Ян Юрый Грабоўскі

Ян Юрый Людвік з Канопніцы Грабоўскі (каля 1730 — 16 лютага 1789, Ізабелін) — вялікалітоўскі ваенны дзеяч.

Ян Юрый Грабоўскі
генерал-інспектар войскаў літоўскіх 19 кастрычніка 1776 — 1783
Пераемнік	Ежы Францішак Грабоўскі
Нараджэнне	XVIII стагоддзе Вялікае Княства Літоўскае
Смерць	16 лютага 1789(1789-02-16)[1] Ізабелін, Ваўкавыскі павет, Новагародскае ваяводства, Вялікае Княства Літоўскае, Рэч Паспалітая
Род	Грабоўскія герба Окша
Бацька	Стэфан Грабоўскі
Маці	Тэадора са Стрыенскіх[d]
Жонка	Альжбета Шыдлоўская і Ганна з Грушчынскіх[d]
Дзеці	Павел Ян Грабоўскі, Аляксандра з Грабоўскіх[d], Казімір Грабоўскі[d], Канстанцыя з Грабоўскіх[d] і Ежы Францішак Грабоўскі
Веравызнанне	кальвінізм
Званне	генерал-лейтэнант
Узнагароды

Біяграфія

Паходзіў са шляхецкага роду Грабоўскіх герба «Тапор» (або «Окша»). Нарадзіўся ў сям’і Стэфана, віштынецкага старосты, і Тэадоры са Стрыенскіх^[2].

У 1755—1756 гадах палкоўнік ЯКМ, у 1757 годзе генерал маёр і палкоўнік войска ВКЛ, у 1763 годзе палкоўнік Пінскага Рэгіменту, у 1776—1785 гадах генерал-інспектар войскаў літоўскіх, у 1779—1789 гадах генерал лейтэнант літоўскага войска, домбскі староста^[2].

Кавалер ордэнаў Святога Станіслава (1779), Белага Арла (1780) і Аляксандра Неўскага^[2].

Памёр 13 лютага 1789 г. Валодаў у Ваўкавыскім павеце маёнткамі Ізабелін, Зеляневічы, Крупкі, як гэта вынікае з дзельчага ліста яго сыноў ад 1789 г. З’яўляўся фундатарам і калятарам кальвінскага збору ў Ізабеліне^[2].

Сям’я

Быў двойчы жанаты. У 1754 годзе ажаніўся з Яаннай з Грушчынскіх^[pl] (каля 1730 — 1764), ад шлюбу з якой меў дзевяць дзяцей:

• Тэадор
• Тэадора Кацярына (нар. 1755)
• Ежы Францішак (1756—1799), генерал-інспектар войскаў літоўскіх
• Міхаіл Багдан (нар. 1757)
• Стэфан Казімір (1758—1794), сакратар каралеўскага двара
• Павел Ежы (1759—1794), генерал польскіх войскаў
• Ганна Караліна (нар. 1761)
• Канстанцыя^[pl] (1762—1842), жонка каралеўскага камергера Вінцэнта Дорыа-Дзерналовіча
• Людвік Зыгмунт (нар. 1763)

У 1769 годзе другі раз ажаніўся з Альжбетай з Шыдлоўскіх (1748/1749 — 1810), дачкой ваяводы плоцкага Тэадора Шыдлоўскага і Тэрэзы Віткоўскай. Дзеці:

• Станіслаў Грабоўскі (1780—1845), граф, міністр адукацыі Царства Польскага
• Міхал Грабоўскі (1773—1812), брыгадны генерал арміі Герцагства Варшаўскага
• Ізабела Грабоўская (1776—1858), жонка Валента Фаўсціна Сабалеўскага
• Аляксандра Грабоўская (1771—1789), жонка Францішка Салезія Красіцкага
• Казімір Грабоўскі (1774—1833), польскі перакладчык, маршалак ваўкавыскі
• Канстанцыя Грабоўская

Зноскі

1. https://www.ipsb.nina.gov.pl/a/biografia/jan-jerzy-grabowski-h-topor
2. Аляксей Шаланда. САПРАЎДНЫ ГЕРБОЎНІК ШЛЯХТЫ ВАЎКАВЫСКАГА ПАВЕТА Ў ДРУГОЙ ПАЛОВЕ XVI-XVIII ст.

Літаратура

• Пазднякоў В. Грабоўскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 551. — 688 с. — ISBN 985-11-0314-4 (т. 1), ISBN 985-11-0315-2.