(1709—1781) ваявода віцебскі From Wikipedia, the free encyclopedia
Юзаф Антоні Салагуб (26 ліпеня 1709 — 4 мая 1781) — дзяржаўны дзеяч Вялікага княства Літоўскага.
Юзаф Антоні Салагуб | |||||||
---|---|---|---|---|---|---|---|
![]() | |||||||
Праўдзіц[d] | |||||||
|
|||||||
Папярэднік | Юзаф Бенедыкт Тышкевіч[d] | ||||||
Пераемнік | Юзаф Францішак Пац | ||||||
|
|||||||
Папярэднік | Марцыян Міхал Агінскі | ||||||
Пераемнік | Юзаф Прозар | ||||||
|
|||||||
Папярэднік | Станіслаў Ежы Агінскі | ||||||
Пераемнік | Шыман Сіруць | ||||||
Нараджэнне | 26 ліпеня 1709 | ||||||
Смерць |
5 мая 1781[1] (71 год) ці 4 мая 1781 (71 год) |
||||||
Род | Салагубы | ||||||
Бацька | Ян Міхал Салагуб | ||||||
Маці | Алена з Шамоўскіх[d] | ||||||
Жонка | Антаніна Тэрэза з Агінскіх[d] | ||||||
Узнагароды | |||||||
![]() |
Кашталян жамойцкі (1742—1748) і віцебскі (1748—1752), ваявода віцебскі (з 1752).
У канцы 1720-х у замежным падарожжы. Падчас бескаралеўя ў 1733 падтрымліваў кандыдатуру на трон Рэчы Паспалітай Станіслава Ляшчынскага. Разам з ім быў у аблозе ў Гданьску. Пасля капітуляцыі Гданьска прызнаў уладу Аўгуста III. Потым збег у Каралявец да Станіслава Ляшчынскага і канчаткова прызнаў уладу Аўгуста III толькі ў 1736.
У 1737 жамойцкі дэпутат Трыбунала ВКЛ, абраны маршалкам Духоўнага трыбунала ВКЛ. Пасол на соймы 1736, 1738, 1740. У 1750 атрымаў ордэн Белага Арла. Віцебскі дэпутат і маршалак Трыбунала ВКЛ 1751. З гэтага часу зблізіўся з Чартарыйскімі. Пры іх падтрымцы 7 кастрычніка 1751 абраны віцебскім ваяводам.
У 1758 насуперак пазіцыі Чартарыйскіх прызнаў выбар курляндскім герцагам каралевіча Караля. Гэта зблізіла яго з Радзівіламі. У 1759—1760 актыўна дапамагаў жонцы памерлага брата Антонія Юзафа Брыгіце Петранелі ў справе абароны Азярышчынскага староства ад прэтэнзій кароннага гетмана Яна Клеменса Браніцкага. Быў малаактыўным саюзнікам Радзівілаў і ў час бескаралеўя 1763—1764 адразу перайшоў на бок Чартарыйскіх. Прымаў прысягу на Пакта канвента караля польскага і вялікага князя літоўскага Станіслава Аўгуста Панятоўскага і быў вызначаны ў склад соймавага суда.
Адмовіўся прынесці прысягу расійскай імператрыцы Кацярыне II пасля падзелу Рэчы Паспалітай 1772 са сваіх уладанняў, якія апынуліся ў Расійскай імперыі. Кацярына II за асабістыя заслугі пакінула Салагубу гэтыя ўладанні. У 1776 абраны ў Скарбовы дэпартамент Пастаяннай Рады. Пасля не праяўляў актыўнасці ў палітычным жыцці Рэчы Паспалітай.
З роду Салагубаў, сын вялікага літоўскага падскарбія Яна Міхала Салагуба і яго першай жонкі Алены з Шамоўскіх, брат Антонія Юзафа.
Быў жанаты з Антанінай Тэрэзай Агінскай, дачкой Караля Агінскага. Дзяцей не пакінуў.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.