Эльвіра Пятроўна Герасімовіч

У Вікіпедыі ёсць артыкулы пра іншых асоб з прозвішчам Герасімовіч.

Эльвіра Пятроўна Герасімо́віч (5 чэрвеня 1925, Мінск) — 22 ліпеня 2015, Мінск) — беларускі тэатразнаўца, актрыса, педагог. Кандыдат мастацтвазнаўства (1956), прафесар (1977). Заслужаны дзеяч мастацтваў Беларусі (1974)^[1].

Эльвіра Пятроўна Герасімовіч
Дата нараджэння	5 чэрвеня 1925(1925-06-05)
Месца нараджэння	Менск, Менская акруга, БССР, СССР
Дата смерці	22 ліпеня 2015(2015-07-22) (90 гадоў)
Месца смерці	Мінск, Беларусь
Грамадзянства	СССР  Беларусь
Род дзейнасці	вучоная
Навуковая сфера	мастацтвазнаўства
Месца працы	Беларуская дзяржаўная акадэмія мастацтваў
Навуковая ступень	кандыдат мастацтвазнаўства
Навуковае званне	прафесар
Альма-матар	Беларуская дзяржаўная акадэмія мастацтваў
Вядомая як	Рэктар БДАМ (1968—1984)
Партыя	КПСС
Узнагароды	Медаль «За доблесную працу ў Вялікай Айчыннай вайне 1941-1945 гг.» Медаль «За працоўную доблесць»

Біяграфія

Скончыла Беларускі тэатральна-мастацкі інстытут (1949, курс Е. Міровіча)^[1], дзе і працавала. У 1968—1984 гг. рэктар інстытута, з 1984 года прафесар кафедры гісторыі і тэорыі мастацтваў.

У 1951—1952 гг. першы сакратар Ленінскага раённага камітэта ЛКСМБ Мінска^[2]. У 1957—1968 гг. інструктар, загадчык сектара мастацтва ЦК КПБ^[1].

Памерла 22 ліпеня 2015 года^[3].

Навуковая дзейнасць

Даследуе гісторыю беларускага тэатра^[1], у прыватнасці творчасць Нацыянальнага акадэмічнага драматычнага тэатра імя Якуба Коласа ў міжваенны перыяд, праблемы тэатральнай педагогікі, прафесійнага выхавання акцёра^[1]. Тэма кандыдацкай дысертацыі «Асноўныя этапы творчага шляху Беларускага дзяржаўнага драматычнага тэатра імя Якуба Коласа (1921—1941 гг.)» (Дзяржаўны інстытут тэатральнага мастацтва імя А. Луначарскага  (руск.), Масква, 1956).

Творчая дзейнасць

Аўтар шматлікіх сцэнарыяў для тэле- («Людзі на балоце» паводле І. Мележа, 1960) і радыёпастановак («Сэрца на далоні» паводле І. Шамякіна, «Рудабельская рэспубліка» паводле С. Грахоўскага, «Сляды на асфальце» паводле В. Быкава, «На струнах буры» паводле Л. Арабей) і інш.

Узнагароды

• Ордэн «Знак Пашаны»
• медаль «За доблесную працу ў Вялікай Айчыннай вайне 1941—1945 гг.»
• медаль «За працоўную доблесць»
• Ганаровыя граматы Вярхоўнага Савета БССР.

Зноскі

1. Герасимович Эльвира Петровна // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 145. — 737 с.
2. Энцыклапедыя літаратуры і мастацтва Беларусі: У 5-і т., Т. 2. Габой — Карціна / Рэдкал.: І. П. Шамякін (гал. рэд.) і інш.. — Мн.: БелСЭ, 1985. — Т. 2. — С. 72. — 702 с. — 9 500 экз.
3. Эльвіра Пятроўна Герасімовіч (нявызн.)(недаступная спасылка). Архівавана з першакрыніцы 3 чэрвеня 2016. Праверана 9 красавіка 2019.

Літаратура

• Энцыклапедыя літаратуры і мастацтва Беларусі: У 5-і т., Т. 2. Габой — Карціна / Рэдкал.: І. П. Шамякін (гал. рэд.) і інш.. — Мн.: БелСЭ, 1985. — Т. 2. — С. 72. — 702 с. — 9 500 экз.
• Республика Беларусь: энциклопедия. В 6 т. Т. 3. — Минск, 2006.
• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).

Спасылкі

• Артыкул В. С. Іваноўскага, прысвечаны Э. П. Герасімовіч Архівавана 5 сакавіка 2016.
• «Як цудоўна, што вы — з намі!»(недаступная спасылка)