беларускі футбольны клуб From Wikipedia, the free encyclopedia
«Хваля» — беларускі футбольны клуб з горада Пінск, заснаваны ў 1987 годзе. У цяперашні час выступае ў Першай лізе чэмпіянату Беларусі.
| Хваля Пінск | |||
|---|---|---|---|
 | |||
| Поўная назва | ДСУ «Футбольны клуб "Хваля-Пінск"» | ||
| Заснаваны | 1987 | ||
| Горад | Пінск, Беларусь | ||
| Стадыён |
«Хваля» Умяшчальнасць: 3100 |
||
| Дырэктар | Кірыл Майсяйчук | ||
| Галоўны трэнер | Сяргей Ясковіч | ||
| Чэмпіянат | Першая ліга | ||
| 2023 | 8 месца | ||
| Сайт | Афіцыйны сайт | ||
| |||
Сезон 2013 «Хваля» пачала выдатна, атрымаўшы на старце 5 перамог запар. Пасля першага круга каманда ішла на чацвёртым месцы. Але ў другім крузе вынікі пайшлі на спад. Каманда выдала дзесяціматчавую серыю без перамог. Нягледзячы на тое, што серыя была перарвана ў апошнім туры перамогай над «Віцебскам» (1:0), «Хваля» скончыла сезон толькі на 12-м месцы, што стала найгоршым вынікам з 2006 года.
Перад пачаткам сезона 2014 «Хваля» страціла сваіх лідараў, замест якіх у каманду вярнуўся шэраг вопытных гульцоў-пінчан, таксама ў каманду прыйшлі маладыя ігракі з іншых клубаў. У выніку, каманда з самага пачатку турніру апынулася ў канцы табліцы, доўгі час «Хваля» змагалася за выжыванне (Першую лігу ў сезоне 2014 пакідаў адзін клуб) са «Слонімам». Цяжкім ударам для пінчукоў стала смерць брамніка Мікалая Адамца ў верасні 2014 года. У кастрычніку 2014 года, пасля ўдалай серыі «Слоніма», «Хваля» замацавалася на апошнім радку і ўжо за некалькі тураў да канца страціла шанцы застацца ў другім дывізіёне.
У сезоне 2015 «Хвалю» прадстаўлялі ў асноўным уласныя выхаванцы. Камандзе ставілася задача вярнуцца ў Першую лігу, але гульня ў чэмпіянаце ішла не найлепшым чынам — пінчукі саступілі сваім асноўным канкурэнтам. У ліпені 2015 года Вадзіма Бяленку на трэнерскім мастку замяніў Сяргей Шульжык, аднак ён не здолеў выправіць сітуацыю. Толькі ў канцы турніру каманда стала рэгулярна атрымоўваць перамогі, аднак гэта не выратавала яе ад пятага месца і непападання нават у фінальны этап.
Перад сезонам 2016 камандзе была пастаўлена мэта вярнуцца ў Першую лігу. «Хваля» была яўным фаварытам чэмпіянату і ў выніку ўпэўнена атрымала перамогу ў Другой лізе, забяспечыўшы першае месца за некалькі тураў да фінішу.
Пасля выхаду ў Першую лігу каманда захавала асноўных ігракоў, да якіх далучыўся шэраг навабранцаў з вопытам выступлення ў Вышэйшай лізе. У сезоне 2017 каманда амаль адразу замацавалася ў цэнтры табліцы, у выніку скончыла сезон на сёмым месцы.
Сезон 2018 атрымаўся для «Хвалі» няўдалым, каманда хутка апынулася ў ніжняй частцы табліцы. У ліпені Сяргей Шульжык падаў у адстаўку, аднак пры новым трэнеры Віталі Кірылку сітуацыя не змянілася, і каманда скончыла сезон на 13-м месцы з 15.
У пачатку 2019 года каманду ўзначаліў Алег Кароль, які прывёў шмат ігракоў са свайго былога клуба, «Слоніма-2017». Каманда ставіла мэты заняць месца ў верхняй палове табліцы, спачатку «Хваля» ішла ў сярэдзіне табліцы, але хутка шэраг няўдач адкінуў яе бліжэй да зоны вылету. У верасні Кароль пакінуў каманду, на яго месца быў прызначаны Вадзім Бяленка, аднак істотна гэта сітуацыю не выправіла, пінская каманда скончыла сезон на 12-м месцы.
У 2020 годзе каманду папоўніла шмат ігракоў з вопытам выступу ў Вышэйшай лізе. Большую частку сезона «Хваля» знходзілася ў сярэдзіне табліцы і, нягледзячы на няўдалы фініш турніру (ніводнай перамогі ў васьмі апошніх матчах), заняла выніковае дзявятае месца.
У пачатку 2021 года новым галоўным трэнерам стаў пінчанін Сяргей Ясковіч, які перад гэтым паспяхова ўзначальваў дзяржынскі «Арсенал». Каманда працягвала ўзмацоўвацца вопытнымі ігракамі, што прынесла плён — «Хваля» хутка замацавалася ў верхняй палове табліцы і часам прэтэндавала на прызавыя месцы. Толькі па выніках апошняга тура пінская каманда страціла шанцы на выхад у Вышэйшую лігу, фінішаваўшы чацвёртай. У сезоне 2022 «Хваля» лічылася адным з фаварытаў і добра пачала, але пасля пайшлі няўдачы. Нягледзячы на шэраг перамог над канкурэнтамі, паражэнні працягваліся, і неўзабаве пінская каманда апусцілася ў сярэдзіну табліцы. «Хваля» яшчэ магла змагацца за выхад у Вышэйшую лігу, але няўдалы фініш пакінуў каманду на сёмым месцы. У сезоне 2023 «Хваля» пераважна знаходзілася ў сярэдзіне табліцы і скончыла чэмпіянат на восьмым месцы з 17.
Станам на жнівень 2024 года, згодна з афіцыйным сайтам клуба[1].
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Сяргей Ясковіч (нар. 1972) — галоўны трэнер Віталь Кірылка (нар. 1973) — старшы трэнер Сяргей Валадзько (нар. 1983) — трэнер Дзмітрый Аснін (нар. 1984) — трэнер брамнікаў| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 1992 | Другая (Д2) | 3 | 15 | 8 | 4 | 3 | 20–13 | 20 | 1/32 фіналу | |
| 1992/93 | Другая (Д2) | 5 | 30 | 15 | 4 | 11 | 52–40 | 34 | Чвэрцьфінал | |
| 1993/94 | Другая (Д2) | 3 | 28 | 17 | 6 | 5 | 58–21 | 40 | 1/8 фіналу | |
| 1994/95 | Другая (Д2) | 3 | 30 | 16 | 8 | 6 | 45–26 | 40 | 1/16 фіналу | |
| 1995 | Другая (Д2) | 2 | 14 | 9 | 2 | 3 | 22–13 | 29 | 1/16 фіналу | |
| Пераходныя матчы[upper-alpha 1] | 2 | 1 | 0 | 1 | 2–3 | 3 | ||||
| 1996 | Другая (Д2) | 5 | 24 | 10 | 8 | 6 | 40–19 | 38 | 1/16 фіналу | |
| 1997 | Другая (Д2) | 8 | 30 | 12 | 8 | 10 | 43–36 | 44 | 1/16 фіналу | |
| 1998 | Першая (Д2) | 3 | 30 | 17 | 8 | 5 | 54–22 | 59 | 1/16 фіналу | Змена назваў ліг |
| 1999 | Першая (Д2) | 15 | 30 | 6 | 8 | 16 | 33–50 | 26 | 1/16 фіналу |  Вылет у Другую лігу |
| 2000 | Другая — Б (Д3) | 6 | 16 | 5 | 4 | 7 | 17–24 | 19 | 1/16 фіналу | |
| 2001 | Другая (Д3) | 7 | 34 | 17 | 3 | 14 | 61–37 | 54 | 1/16 фіналу | |
| 2002 | Другая (Д3) | 2 | 24 | 16 | 4 | 4 | 50–22 | 52 | 1/32 фіналу |  Выхад у Першую лігу |
| 2003 | Першая (Д2) | 16 | 30 | 5 | 4 | 21 | 28–59 | 19 | 1/16 фіналу | Вылет у Другую лігу |
| 2004 | Другая (Д3) | 4 | 24 | 15 | 5 | 4 | 62–25 | 50 | 1/16 фіналу | |
| 2005 | Другая (Д3) | 2 | 26 | 21 | 4 | 1 | 57–16 | 67 | 1/32 фіналу | Выхад у Першую лігу |
| 2006 | Першая (Д2) | 8 | 26 | 10 | 4 | 12 | 47–48 | 34 | 1/16 фіналу | |
| 2007 | Першая (Д2) | 7 | 26 | 11 | 6 | 9 | 34–38 | 39 | 1/16 фіналу | |
| 2008 | Першая (Д2) | 4 | 26 | 15 | 3 | 8 | 39–25 | 48 | 1/8 фіналу | |
| 2009 | Першая (Д2) | 2 | 26 | 16 | 3 | 7 | 52–31 | 51 | 1/16 фіналу | |
| 2010 | Першая (Д2) | 10 | 30 | 11 | 2 | 17 | 31–48 | 35 | 1/8 фіналу | |
| 2011 | Першая (Д2) | 7 | 30 | 13 | 6 | 11 | 52–38 | 45 | 1/16 фіналу | |
| 2012 | Першая (Д2) | 8 | 28 | 8 | 10 | 10 | 24–45 | 34 | 1/8 фіналу | |
| 2013 | Першая (Д2) | 12 | 30 | 11 | 6 | 13 | 30–41 | 39 | 1/16 фіналу | |
| 2014 | Першая (Д2) | 16 | 30 | 4 | 8 | 18 | 26–62 | 20 | 1/16 фіналу | Вылет у Другую лігу |
| 2015 | Другая — Б (Д3) | 5 | 18 | 9 | 5 | 4 | 43–18 | 32 | 1/16 фіналу | |
| Матчы за 9 месца[upper-alpha 2] | 9 | 2 | 2 | 0 | 0 | 6–1 | ||||
| 2016 | Другая (Д3) | 1 | 24 | 19 | 3 | 2 | 87–40 | 60 | 1/16 фіналу | Выхад у Першую лігу |
| 2017 | Першая (Д2) | 7 | 30 | 13 | 4 | 13 | 48–48 | 43 | 1/16 фіналу | |
| 2018 | Першая (Д2) | 13 | 28 | 6 | 7 | 15 | 23–49 | 25 | 1/16 фіналу | |
| 2019 | Першая (Д2) | 12 | 28 | 5 | 6 | 17 | 29–49 | 21 | 1/16 фіналу | |
| 2020 | Першая (Д2) | 9 | 26 | 6 | 7 | 13 | 41–52 | 27 | 1/16 фіналу | |
| 2021 | Першая (Д2) | 4 | 33 | 16 | 8 | 9 | 49–39 | 56 | 1/16 фіналу | |
| 2022 | Першая (Д2) | 7 | 24 | 10 | 6 | 8 | 44–35 | 36 | 1/16 фіналу | |
| 2023 | Першая (Д2) | 8 | 32 | 12 | 7 | 13 | 41–49 | 43 | 1/16 фіналу | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
