Тыранскі ўніверсітэт мастацтваў

Тыранскі ўніверсітэт мастацтваў (алб. Universiteti i Arteve) — галоўная навучальная ўстанова, якая прапануе вышэйшую адукацыю ў галіне мастацтва ў Албаніі.

Тыранскі ўніверсітэт мастацтваў
Заснаваны	1966
Краіна	Албанія
Размяшчэнне	Тырана
Сайт	uart.edu.al
Медыяфайлы на Вікісховішчы

Гісторыя

Установа заснавана ў 1966 годзе як Вышэйшы інстытут мастацтваў, ён аб’яднаў тры мастацкія ўстановы: Тыранскую дзяржаўную кансерваторыю (алб. Konservatorin Shtetëror të Tiranës), Вышэйшую школу выяўленчых мастацтваў (алб. Shkollën e Arteve të Bukura) і Вышэйшую акцёрскую школу «Аляксандра Мойсіў» (алб. Shkollën e Lartë të Aktorëve «Aleksandër Moisiu»). Акадэмія мастацтваў змагла скарыстацца рускай традыцыяй у класічнай музыцы і балеце дзякуючы таму, што Албанія і Расія былі ў цесных адносінах у часы камуністычнага кіраўніцтва. Школа па-ранейшаму падтрымлівае сувязі з Расійскай школай балета і класічнай музыкі. У 1991 годзе Вышэйшы інстытут мастацтваў быў перайменаваны ў Акадэмію мастацтваў. 12 кастрычніка 2009 года прэзідэнт Рэспублікі Албанія Бамір Топі ўзнагародзіў Акадэмію мастацтваў «Ордэнам Вялікага магістра».^[1] 23 сакавіка 2011 года рашэннем Савета Міністраў Албаніі, Акадэмія мастацтваў была перайменавана ва Ўніверсітэт мастацтваў, які пачаў сваю дзейнасць з 2011/2012 навучальнага года.

Структура

Універсітэт мастацтваў мае тры факультэты:

• Музычны факультэт. Ён прапануе спецыяльнасці ў галіне музыказнаўства, дырыжыравання, кампазіцыі, фартэпіяна, скрыпкі, альта, віяланчэлі, кантрабаса, гітары, флейты, габоя, кларнета, трамбона, трубы, акардэона, фагота, ражка, тубы, канты і педагогікі, а таксама мае дзве кафедры:
  • Кафдра музыказнаўства, кампазіцыі і дырыжорства
  • Кафедра спектаклю
• Факультэт візуальных мастацтваў. Ён прапануе спецыяльнасці ў галіне жывапісу, графікі, дызайну тэкстылю і моды, мультымедыя, прыкладнога дызайну, скульптуры і керамікі, а таксама мае дзве кафедры:
  • Кафедра жывапісу
  • Кафедра скульптуры
• Факультэт драматычных мастацтваў. Ён прапануе спецыяльнасці у кіна- і тэле-рэжысуры, акцёрскім мастацтве, сцэнаграфіі і кастамаграфіі, і харэаграфіі, і мае дзве кафедры:
  • Кафедра акцёрскага мастацтва
  • Кафедра рэжысуры, сцэны, дызайна, харэаграфіі і тэорыі мастацтва

Дырэктары/Рэктары

З моманту свайго стварэння і да 1991 года Вышэйшым інстытутам мастацтваў кіраваў дырэктар. З 1997 года па цяперашні час ім кіруе рэктар.

Дырэктары/Рэктары Універсітэта мастацтваў
1966-1969	Вільсан Кіліка, жывапісец, (дырэктар Вышэйшага інстытута мастацтваў)
1969-1973	Тэфік Лаўшы, пісьменнік, (дырэктар Вышэйшага інстытута мастацтваў)
1973-1978	Лілі Жамо, (дырэктар Вышэйшага інстытута мастацтваў)
1978-1981	Ібрагім Мадхі, прафесар скрыпкі, (дырэктар Вышэйшага інстытута мастацтваў)
1981-1988	Крыста Ёрджы, кінарэжысёр, (дырэктар Вышэйшага інстытута мастацтваў)
1988-1991	Якаў Мату, (дырэктар Вышэйшага інстытута мастацтваў)
1991-1992	Фатмір Хісі, музыкант, (дырэктар Акадэміі мастацтваў)
1992-1995	Буяр Капекшыу, кінарэжысёр і акцёр (дырэктар Акадэміі мастацтваў)
1995-1997	Джэрдж Жэдзі, пісьменнік, (дырэктар Акадэміі мастацтваў)
1997-2008	Кастрыёт Лаўшы, акцёр, прафесар драматургіі (рэктар Акадэміі мастацтваў)
2008-2016	Петрыт Малай, акцёр, прафесар драматургіі (рэктар Акадэміі мастацтваў, рэктар Універсітэта мастацтваў)
2016-	Кастрыёт Лаўшы, акцёр, прафесар драматургіі (рэктар Універсітэта мастацтваў)

Паштовая марка

45-годдзе Акадэміі мастацтваў

15 снежня 2011 года да 45-годдзя Акадэміі мастацтваў Пошта Албаніі выпусціла новую паштовую марку,^[2] прысвечаную гэтай падзеі.

Зноскі

1. President of the Republic of Albania – News (нявызн.)(недаступная спасылка). Архівавана з першакрыніцы 8 чэрвеня 2011. Праверана 28 красавіка 2021.

Спасылкі

• Афіцыйны сайт