Тадэвуш Янавіч Завіша

Івон Тадэвуш Янавіч Завіша (каля 1790 — пасля 4 студзеня 1839) — дзяржаўны службовец.

Тадэвуш Янавіч Завіша
Лебедзь
маршалак шляхты Ігуменскага павета 1817 — 1820
Нараджэнне	1790
Смерць	не раней за 4 студзеня 1839
Род	Завішы
Бацька	Ян Караль Завіша[d]
Маці	Тэрэза са Свентаржэцкіх[d]
Жонка	Валерыя з Завішаў[d]
Дзеці	Ян Казімір Завіша

У Вікіпедыі ёсць артыкулы пра іншых асоб з прозвішчам Завіша.

Біяграфія

Паходзіў са шляхецкага роду Завіша герба «Лебедзь», які карыстаўся графскім тытутам. Нарадзіўся ў сям’і Яна Кароля, палкоўніка войскаў літоўскіх, і Тэрэзы са Свентарэцкіх^[1].

Ахрышчаны 27 кастрычніка 1790 года ў Халуйскай царкве^[1].

Маршалак павятовы ігуменскі ў 1817—1820 гадах^[1].

Валодаў маёнткамі Сяргеевічы (225 муж. падданых) і Жорнаўка (1130 муж. падданых) Ігуменскага павета^[1].

У 1817 годзе рабіў вывад шляхецтва, у 1832 — судалучэнне^[1].

Памёр пасля 4 студзеня 1839 года^[1].

Сям’я

У шлюбе з графіняй Валерыяй з Завішаў, дачкой Казіміра Аляксандра Завішы, генерал-маёра расійскіх войскаў^[1]. Дзеці^[1]:

• Ян Крыштоф Самуэль Казімір Ксаверый (1822—1887), вядомы археолаг і філантроп.
• Тэрэза, у шлюбе з графам Равускім. Памёрла незадоўга да 17 снежня 1844 года ў Вісбадэне (княства Насау).

Меў пляменніка (па сястры Юстыне-Юдыце), Ігната Завішу, які меў намер паступаць на службу ў Лубенскі гусарскі полк (1834)^[1].

Зноскі

1. 29. Завішы, з Куразвенк Кязгайлаў на Бакштах Завішы герба «Ружыц» // Гербоўнік беларускай шляхты.. — Мінск. — С. 116.

Літаратура

• 29. Завішы, з Куразвенк Кязгайлаў на Бакштах Завішы герба «Ружыц» // Гербоўнік беларускай шляхты.. — Мінск. — С. 116.