![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/73/Varful-Moldoveanu-scenery.jpg/640px-Varful-Moldoveanu-scenery.jpg&w=640&q=50)
Паўднёвыя Карпаты
From Wikipedia, the free encyclopedia
Паўднёвыя Карпаты, Трансільванскія Альпы — частка Карпат у Румыніі, паміж перавалам Прэдзял і цяснінай Жалезныя Вароты на Дунаі. Даўжыня каля 300 км.
Паўднёвыя Карпаты | |
---|---|
![]() | |
Краіна | |
Горная сістэма | Карпаты |
Плошча | 189 339 км² |
Даўжыня | 331 км |
Шырыня | 384 км |
Найвышэйшая вяршыня | Малдавяну |
Вышыня | 2544 м [1] |
![]() |
Высакагорныя масівы (Фэгэраш, Рэтэзат і інш.) складзеныя гранітамі, гнейсамі, а таксама вапнякамі, пясчанікамі. Найбольш высокія вяршыні маюць альпійскія формы рэльефу. Вышыня да 2543 м (гара Малдавяну). Прарэзаны далінамі рэк Жыу, Олт, Чорная, па якіх пракладзеныя чыгунка і шаша. Характэрна сейсмічнасць.
Ля падножжаў гор і ў ніжніх частках схілаў (да вышыні 900—1000 м) — букавыя і дубовыя лясы, вышэй (да 1700 м) — пераважна іглічныя, якія змяняюцца на вышыні хмызнякамі, субальпійскімі і альпійскімі лугамі.
Радовішча нафты (ля паўднёвых падножжаў — Фларэшты , Пітэшты і інш.), каменнага вугалю (Петрашэні), паваранай солі. Курорты горна-кліматычныя (Сіная), бальнеялагічныя (Кэлімэкешты, Бэіле-Еркулане, Бэіле-Гавара, Бэіле-Олэнешты).