Ліён Фейхтвангер

Ліён Фейхтва́нгер (ням.: Lion Feuchtwanger; 7 ліпеня 1884, г. Мюнхен, Германія — 21 снежня 1958) — нямецкі пісьменнік. Доктар філасофіі (1907).

Ліён Фейхтвангер
ням.: Lion Feuchtwanger
Асабістыя звесткі
Псеўданімы	Jacob Arje[1], Sepp Trautwein[1] і J. L. Wetcheek[1]
Дата нараджэння	7 ліпеня 1884(1884-07-07)[2][3][…]
Месца нараджэння	Мюнхен, Верхняя Баварыя, Каралеўства Баварыя, Германскі рэйх[2][4]
Дата смерці	21 снежня 1958(1958-12-21)[2][4][…] (74 гады)
Месца смерці	Лос-Анджэлес, акруга Лос-Анджэлес, Каліфорнія, ЗША[2][4]
Пахаванне	Вудланскія мемарыяльныя могілкі[d]
Грамадзянства	Германская імперыя  Веймарская рэспубліка  ЗША
Жонка	Marta Feuchtwanger[d]
Альма-матар	Мюнхенскі ўніверсітэт Людвіга-Максіміліяна HU Berlin Вільгельмаўская гімназія[d]
Прафесійная дзейнасць
Род дзейнасці	пісьменнік, драматург, перакладчык, журналіст
Жанр	п’еса і проза
Прэміі	Літаратурная прэмія горада Мюнхена[d] (1957)
Узнагароды
Подпіс
Медыяфайлы на Вікісховішчы

Біяграфія

Вывучаў германістыку і філасофію ва ўніверсітэтах Берліна і Мюнхена. 3 1933 у эміграцыі (Францыя, ЗША).

Пачынаў як тэатральны крытык і драматург. Аўтар сусветна вядомых гістарычных раманаў «Брыдкая герцагіня» (1923), «Яўрэй Зюс» (1925), «Ілжэ-Нерон» (1936), «Лісы ў вінаградніку» (1947), «Гоя, або Цяжкі шлях пазнання» (1951), «Мудрасць дзівака, або Смерць і ператварэнне Жан Жака Русо» (1952), гістарычнай трылогіі «Іудзейская вайна» (1932), «Сыны» (1935), «Настане дзень» (1942), у якіх адлюстраваў падзеі амерыканскай вайны за незалежнасць, французскай рэвалюцыі 1789-94, узаемаадносіны паміж Іўдзеяй і Рымам і інш. Трагічная нямецкая сучаснасць у раманах «Томас Вент» (1920), «Браты Лаўтэнзак» (1943), сацыяльнай трылогіі «Зала чакання» («Поспех», 1930; «Сям’я Опенгейм», 1933; «Выгнанне», 1939).

У творах аддаваў перавагу сацыяльна-палітычным і філасофскім праблемам — чалавека і гісторыі, творчай асобы і рэвалюцыі, сузірання і дзеяння, грамадскага прызначэння мастака і мастацтва, мінуўшчыны і сучаснасці; яны адметныя каларытнасцю дэталі, сюжэтнай шматпланавасцю, парабалічнасцю. Многія яго раманы экранізаваны.

Аўтар п’ес, апрацовак твораў англійскіх аўтараў, літаратурна-крытычных артыкулаў, эсэ і інш.

Беларускія пераклады

• Сям’я Опенгейм. Мн., 1937.

Зноскі

1. Czech National Authority Database Праверана 30 жніўня 2020.

   <a href='https://wikidata.org/wiki/Track:Q13550863'></a>
2. Краткая литературная энциклопедия — М.: Советская энциклопедия, 1962. — Т. 7.

   <a href='https://wikidata.org/wiki/Track:Q4239850'></a><a href='https://wikidata.org/wiki/Track:Q5061737'></a>
3. Lion Feuchtwanger // Encyclopædia Britannica Праверана 9 кастрычніка 2017.

   <a href='https://wikidata.org/wiki/Track:Q5375741'></a>
4. Фейхтвангер Лион // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>