«Лаліта» (англ.: Lolita) — мастацкі фільм 1997 года рэжысёра Эдрыяна Лайна, зняты па аднайменнаму раману Уладзіміра Набокава. Фільм атрымаў у цэлым станоўчыя ацэнкі крытыкаў, аднак выйшаў у абмежаваным пракаце.
Лаліта | |
|---|---|
| англ.: Lolita | |
| Жанр | рамантычны фільм[1][2][…], неануар[d], драматычны фільм[1][2][…] і экранізацыя рамана[d] |
| Рэжысёр | |
| Прадзюсар | |
| Сцэнарыст | |
| У галоўных ролях |
|
| Аператар | |
| Кампазітар | |
| Кінакампанія | Pathé |
| Працягласць | 132 хв. |
| Бюджэт | 62 000 000 $[10] |
| Зборы | 1 071 255 $[10] |
| Краіна | |
| Мова | англійская |
| Год | 27 верасня 1997, 14 студзеня 1998[11] і 25 верасня 1998[11] |
| IMDb | ID 0119558 |
Фільм пабудаваны як паказанні падсуднага суду прысяжных.
У 1947 годзе еўрапейскі прафесар французскай мовы Гумберт Гумберт (Джэрэмі Айранс), які адчуў у 14-гадовым узросце шок ад страты сваёй каханай (якой таксама было 14 гадоў і якая памерла ў той жа год ад тыфу), пераязджае ў Новую Англію. Ён здымае пакой у доме удавы Шарлоты Гейз (Мелані Грыфіт) і яе 12-гадовай дачкі Лаліты (Дамінік Суэйн). З цягам часу ў Гумберта развіваюцца пачуцці да дзяўчынкі, аднак ён баіцца парушыць забарону на палавыя зносіны з непаўналетнімі. Лаліта (цалкам імя гучыць як Далорэс) заігрывае з Гумбертам, але паведамляе яму, што ў яго закаханая яе маці.
Неўзабаве гэта пацвярджаецца: Шарлота кажа Гумберту, што альбо ён ажэніцца з ёй, альбо пакіне яе дом. Гумберт вымушаны пагадзіцца: бо ён хоча быць бліжэй да Лаліты. Але гаворкі пра якое-небудзь каханне яго да Шарлоты не ідзе: ён таемна падмешвае ёй моцнадзейныя снатворныя, а сам вядзе дзённік, у якім адкрыта піша пра сувязь з Шарлотай, якая яму гідзіцца і якую ён трывае, думаючы пра Лаліту.
Аднойчы падчас знаходжання Лаліты ў летнім лагеры Шарлота чытае дзённік мужа ў яго адсутнасць. Калі ён прыходзіць, яна ўчыняе істэрыку, а ён спрабуе пераканаць яе, што гэта яго літаратурныя чарнавікі. Шарлота ў жудасным роспачы бяжыць з хаты, каб адправіць Лаліце ў лагер лісты, у якіх апісваецца жудасная праўда пра намеры Гумберта. Але яна гіне пад коламі аўтамабіля прама насупраць свайго дома.
Гумберт застаецца апекуном Далорэс. Ён едзе за ёй у лагер і пачынае доўгія аўтамабільныя раз’езды па краіне з мэтай забавы Лаліты. Гумберт спачатку ўсё ж не вырашаецца дакрануцца да яе. Але Далорэс сама выдатна здагадваецца пра ўсё і досыць хутка бярэ ініцыятыву ў свае рукі. Пры гэтым аказваецца, што Гумберт — зусім не першы яе мужчына. Так, яна распавядае яму аб сваёй блізкасці з хлопчыкам падчас адпачынку ў лагеры.
Гумберту пастаянна здаецца, што іх хтосьці пераследуе. Падазрэнне падае на рэспектабельнага мужчыну з сабачкам, які пару разоў загаворвае з Лалітай, і пра якога яна кажа як пра дзядзьку. Гумберт заўважае, што тая быццам бы не супраць яго пераследу. У прыватнасці яна зацірае нумар яго аўтамабіля, які Гумберт запісваў на ўсялякі выпадак. Падчас вучобы ў школе мастацтваў Лаліта, якая марыць стаць танцоркай, настойвае на тым, каб гуляць у фрывольным спектаклі, аўтарам якога, як пазней высвятляецца, з’яўляецца гэты спадар — Клэр Куілці (Фрэнк Ланджэла).
Калі Далорэс ляжыць у бальніцы з вострай інфекцыяй, гэты чалавек, прадставіўшыся яе дзядзькам і добра заплаціўшы, забірае яе і вязе нібыта на ранча да дзядулі. Так Лаліта раптоўна і надоўга знікае з жыцця Гумберта. Той б’е лекараў, якія адпусцілі Лаліту з «дзядзькам», потым дарэмна спрабуе адшукаць іх; вярнуўшыся дадому, п’е і шмат часу надае трэніроўкам з пісталетам.
Праз тры гады ён раптам атрымлівае ад яе ліст, дзе яна прама просіць грошай і паведамляе, што выйшла замуж і цяжарная. Гумберт прыязджае да яе і размаўляе, пакуль яе муж працуе ў аддаленні. Лаліта жыве ў беднасці, але наадрэз адмаўляецца ўцячы з Гумбертам. Яна распавядае, што сапраўды была не супраць пастаяннага пераследу з боку Куілці, аднак, калі ён выкраў яе, зненавідзела яго, бо ён апынуўся педафілам і рэжысёрам порнафільмаў. Сыдучы ад Куілці, Лаліта спазнала тулянні і галечу, але цяпер спадзяецца пачаць новае жыццё з мужчынам не нашмат старэйшым за яе. Гумберт пакідае ёй 4000 долараў і з’язджае.
Ён намышляе забойства Клэра Куілці. У выніку Гумберт расстрэльвае Куілці ў яго ўласным доме, прычым ахвяра памірае не адразу, а ўвесь дом і сам забойца аказваюцца ў крыві. Гумберт нават не клапоціцца пра тое, каб адмыцца ад крыві, а садзіцца ў свой аўтамабіль і бессэнсоўна едзе, пакуль яго пераследуюць паліцэйскія. Ён спыняецца толькі тады, калі трапляе ў атачэнне каровінага статка, і без супраціву здаецца.
У канцы восені 1950 года Гумберт памірае ад сардэчнага прыступу у турме, а Лаліта памірае праз некалькі тыдняў на Каляды пры родах.
- Джэрэмі Айранс — Гумберт Гумберт
- Дамінік Суэйн — Лаліта (Далорэс Гейз)
- Мелані Грыфіт — Шарлота Гейз
- Фрэнк Ланджэла — Клэр Куілці
- Рональд Пікап — Бацька Гумберта
На ролю Лаліты запрашалі Наталі Портман, але акторка адмовілася[12]. Галоўнай гераіні фільма Лаліце па сцэнары 12 гадоў, а акторцы Дамінік Суэйн на момант пачатку здымак было 15 гадоў.
- 1999 — намінацыя на прэмію канала «MTV» у катэгорыі лепшы пацалунак (Джэрэмі Айранс, Дамінік Суэйн).
- http://www.imdb.com/title/tt0119558/ Праверана 3 мая 2016.
- http://www.metacritic.com/movie/lolita Праверана 3 мая 2016.
- http://stopklatka.pl/film/lolita-1997 Праверана 3 мая 2016.
- http://bbfc.co.uk/releases/lolita-1970-7 Праверана 3 мая 2016.
- http://www.allocine.fr/film/fichefilm_gen_cfilm=5473.html Праверана 3 мая 2016.
- http://www.imdb.com/title/tt0119558/fullcredits Праверана 3 мая 2016.
- Person Profile // Internet Movie Database — 1990.
- Person Profile // Internet Movie Database — 1990. Праверана 24 студзеня 2018.
- Česko-Slovenská filmová databáze — 2001.
- Box Office Mojo — 1999. Праверана 4 чэрвеня 2022.
- Person Profile // Internet Movie Database — 1990. Праверана 4 чэрвеня 2022.
- Почему Портман отказалась от роли Лолиты?(недаступная спасылка)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
