Каралеўства Леон

Каралеўства Леон (ісп.: Reino de León) — сярэднявечнае каралеўства ў паўночна-заходняй частцы Пірэнейскага паўвострава.

Гістарычная дзяржава
Каралеўства Леон
Reino de León
Герб Сцяг
Каралеўства Леон да 1030 годзе
<   >  > 910 — 1230
Сталіца	Леон
Мова(ы)	Латынь, Леонская, Іспанская, Галісійская і магчыма Масарабская
Афіцыйная мова	лацінская мова, Леонская мова, іспанская, галісійская мова і Andalusi Romance[d]
Рэлігія	Хрысціянства, Іслам, Юдаізм
Плошча	90 000 км2[1]
Форма кіравання	Манархія
Гісторыя
• 910 - 1037	Каралеўства Леон
• 1037 - 1195	Каралеўства Кастылія і Леон
• 1195 - 1230	Каралеўства Леон
Медыяфайлы на Вікісховішчы

Утворана ў 910 годзе пасля раздзела каралеўства Астурыя паміж сынамі караля Альфонса III. Пры каралю Ардоньё II Леон, Астурыя і Галісія ізноў былі аб’яднаны. Сталіца была перанесена ў 908 годзе з Аўеда ў горад Леон. Дзяржава атрымала назву Каралеўства Леон і Астурыя.

Амаль адразу каралеўства пачынае пашырацца на поўдзень і ўсход, запаўняючы зноў занятыя землі шматлікімі замкамі. Гэтыя тэрыторыі сталі графствам Бургас, але ў 930-х гадах, калі граф Фернан Гансалес пачаў кампанію па пашырэнні Бургаса і здабыцці ім незалежнасці, яны былі адарваны ад Леона. Фернан Гансалес прысвоіў сабе тытул герцага Кастыліі ў гонар мноства замкаў^[2] і працягнуў пашыраць свае ўладанні за кошт Леона, уступіўшы ў саюз з Халіфатам, аж да 966 года, калі яго спыніў Санча Тоўсты Леонскі.

Каралеўства Леон у 1030 годзе

Леон быў захоплены ў 1037 годзе каралём Кастыліі Фернанда I Вялікім, які прысвоіў сабе тытул караля Леона. Два каралеўствы пазней падзяліліся каля 1195 года, калі сур’ёзнае паражэнне Альфонса VIII аслабіла аўтарытэт Кастыліі, але былі аб’яднаны зноў у 1230 годзе пад кіраваннем Фердынанда III. Пазней каралі Кастыліі працягвалі называцца таксама каралямі Леона і ўключаць льва ў сімволіку свайго сцяга. У аб’яднаным Іспанскім каралеўстве Леон атрымаў сціплы статус генеральнага капітанства.

Сучасная правінцыя Леон заснавана ў 1833 годзе.

Зноскі

1. Плошча каралеўства ў 1030 годзе
2. Замак па-іспанску castillo.

Гл. таксама

• Спіс кіраўнікоў Леона

Літаратура

• Альтамира-и-Кревеа Р. История средневековой Испании. — СПб.: Издательство «Евразия», 2003. — С. 608. — ISBN 5-8071-0128-6. (руск.)