From Wikipedia, the free encyclopedia
Групоўка войск (сіл) Узброеных Сіл Расійскай Федэрацыі ў Сірыйскай Арабскай Рэспубліцы (руск.: Группировка войск (сил) Вооружённых сил Российской Федерации в Сирийской Арабской Республике) — аператыўна-стратэгічнае аб’яднанне Узброеных Сіл Расіі, створанае для правядзення ваеннай аперацыі ў Сірыі. Расійскія вайскоўцы былі разгорнуты 30 верасня 2015 года для падтрымкі ўрадавай арміі ў грамадзянскай вайне.
_11.jpg)
Поўныя звесткі пра групоўку не раскрываліся. Дакладна не вядомы як поўны склад войск на тэрыторыі Сірыі, так і поўны пералік злучэнняў і вайсковых часцей, падраздзяленні якіх накіроўваліся ў «гарачую кропку»[1]. Менш за ўсё публічнай інфармацыі маецца аб удзеле расійскіх вайскоўцаў у сухапутных баявых дзеяннях. Першапачаткова ў Міністэрстве абароны РФ падкрэслівалася, што ў краіне дзейнічала толькі авіяцыя Паветрана-касмічных сіл. Толькі праз некаторы час з дакладу кіраўніка ваеннага ведамства Сяргея Шайгу стала зразумела, што падтрымку сірыйскай арміі аказваюць і расійскія артылерысты[2].
Паводле інфармацыі з адкрытых крыніц, у вайне прыняла ўдзел змяшаная авіяцыйная група[3][4], у тым ліку самалёты Су-24, Су-34, Су-30, Су-25, А-50, Ту-214Р, Іл-20[5], МіГ-31[6], Су-27, Ту-160, Ту-95, Ту-22[7][8] і верталёты Мі-24/35, Мі-8[5]. Групоўка СПА была прадстаўлена комплексамі «Панцыр-С1»[9], С-300[10], С-400[11].
Наземную групоўку склалі часці сухапутных (34-я асобная мотастралковая брыгада[2], 120-я гвардзейская артылерыйская брыгада[12][13], Міжнародны супрацьмінны цэнтр[14]), паветрана-дэсантных (7-я гвардзейская дэсантна-штурмавая дывізія[2][15]) войск і сіл спецпрызначэння[2]. Марскія сілы былі прадстаўлены міжземнаморскім аператыўным злучэннем ВМФ[16], у тым ліку 810-й асобнай гвардзейскай брыгадай марской пяхоты[17].
За заслугі ў забеспячэнні бяспекі дзяржавы, гераізм, мужнасць і самаадданасць, праяўленыя асабовым складам у ходзе правядзення аперацыі па падтрыманні міжнароднага міру 9 лістапада 2023 года аб’яднанню ўручаны ордэн Суворава[18].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
