Выганашчанскае (заказнік)

У паняцця ёсць і іншыя значэнні, гл. Выганашчанскае (значэнні).

Выганашча́нскае — ландшафтны заказнік рэспубліканскага значэння ў Брэсцкай вобласці.

Выганашчанскае
Шыльда з выявамі фаўны заказніка "Выганашчанскае"
Размяшчэнне	Беларусь, Брэсцкая вобласць
Плошча	43 тыс. га
Дата заснавання	1968
Кіруючая арганізацыя	ГПУ "Заказнік рэспубліканскага значэння "Выганашчанскае"
Сайт	vygon.by
Выганашчанскае
Выганашчанскае
Катэгорыя на Вікісховішчы

Заказнік быў створаны як гідралагічны заказнік у 1968 годзе^[1] на мяжы Ганцавіцкага, Івацэвіцкага і Ляхавіцкага раёнаў Пастанаўленнем Савета Міністраў БССР ад 18.11.68 № 342 з мэтай захавання аднаго з буйнейшых леса-балотных масіваў Еўропы на галоўным еўрапейскім водападзеле рэк Балтыйскага і Чорнага мораў басейнаў рэк Шчары і Ясельды.

Геаграфія

Выганашчанскае возера

Плошча заказніка — 43 тыс. га, працягласць з поўначы на поўдзень — 27 км, з захаду на ўсход — 46 км. У заказнік уваходзяць азёры Выганашчанскае і Бабровіцкае, а таксама прылеглая тэрыторыя, якая прадстаўляе сабою ў асноўным забалочаную раўніну. Каля 10 тыс. лет таму на гэтым месцы знаходзілася вялізнае прыледавіковае возера плошчай каля 500 км².

Фаўна

Фаўна заказніка прадстаўлена прыкладна 58 відамі сысуноў, 220 відамі птушак, 7 відамі паўзуноў і 12 відамі земнаводных. Многія віды занесены ў Чырвоную кнігу Беларусі. Азёры багатыя рыбай.

Флора

На тэрыторыі заказніка флора прадстаўлена прыкладна 250 відамі раслін, у тым ліку тут растуць (па няпоўных даных) 19 відаў раслін і грыбоў, уключаных у Чырвоную кнігу Беларусі:^[2] купальнік горны (Arnica montana), баранец звычайны (Huperzia selago), вясёлка звычайная (Phallus impudicus), спарасіс кучаравы (Sparassis crispa), труфель (Tuber), зубніца клубяносная (Cardamine californica), вярба чарнічная (Salix myrtilloides), бяроза карлікавая (Betula nana), касач сібірскі (Iris sibirica), наяда малая (Najas minor), увярэднік скіпетрападобны (Pedicularis sceptrum-carolinum), Orchis majalis, цыбуля мядзведжая (Allium ursinum), лілея кучаравая (Lilium martagon), чараўнік зеленакветкавы (Platanthera chlorantha), неатыянта клабучковая (Neottianthe cucullata), тайнік сэрцападобны (Listera cordata), гамарбія балотная (Hammarbya paludosa), гваздзік картузіянскі (Dianthus carthusianorum).

У заказніку сустракаюцца рэдкія для рэгіёна віды раслін:^[2] каўлінія малая, Malaxis paludosa, Splachnum ampullaceum.

Выкарыстанне

Экалагічная сцежка «Надліўская града»

Заказнік «Выганашчанскае» — аб'ект экалагічнага турызму.^[3] Частка Агінскага канала, пабудаванага ў 1767—1783 гг., знаходзіцца на тэрыторіі заказніка.

Адміністрацыя заказніка знаходзіцца ў горадзе Івацэвічы.^[4]

Зноскі

1. Гідралагічны заказнік рэспубліканскага значэння «Выганашчанскае»(недаступная спасылка)
2. Гидрологический заказник республиканского значения «Выгонощанское»(недаступная спасылка)
3. Туристская энциклопедия Беларуси. Мн. Беларуская Энцыклапедыя, 2007. — 648с.
4. Заказнікі Брэсцкай вобласці Архівавана 17 студзеня 2011.

Спасылкі

• Заказнік «Выганашчанскае» — прыродны комплекс на галоўным еўрапейскім водападзеле Архівавана 2 лістапада 2013. (руск.)
• Гідралагічны заказнік рэспубліканскага значэння «Выганашчанскае» (руск.)