Арэхаўскае (возера, Аршанскі раён)

Арэ́хаўскае возера, або Вялікае Арэхаўскае возера — возера ў Беларусі ў Аршанскім раёне Віцебскай вобласці. У басейне Аршыцы на поўнач ад Оршы.

Арэ́хаўскае возера
Морфаметрыя
Вышыня над узроўнем мора	162,2[1] м
Даўжыня	3,93 км
Шырыня	1,08 км
Плошча	2,11 км²
Аб’ём	0,00434 км³
Даўжыня берагавой лініі	10,8 км
Найбольшая глыбіня	3,4 м
Сярэдняя глыбіня	2,1 м
Гідралогія
Салёнасць	да 0,2 ‰
Празрыстасць	0,8 м
Басейн
Плошча вадазбору	33,4 км²
Упадаюць	Рака Чорная
Выцякаюць	Рака Аршыца
Размяшчэнне
Краіна	Беларусь
Арэ́хаўскае возера
Арэ́хаўскае возера

У паняцця ёсць і іншыя значэнні, гл. Арэхаўскае.

Плошча возера складае 2,11 км², даўжыня 3,93 км, найбольшая шырыня 1,08 км. Даўжыня берагавой лініі 10,8 км, найбольшая глыбіня 3,4 м, сярэдняя 2,1 м. Аб’ём вады ў возеры 4,34 млн м³. Плошча вадазбору 33,4 км².

Катлавіна возера рэшткавага тыпу, выцягнутая ў напрамку з поўначы на поўдзень. Схілы катлавіны вышынёй ад 2—5 да 10—15 метраў. Берагавая лінія звілістая. Берагі нізкія. Мелкаводдзе пясчанае, глыбей дно выслана глеем і сапрапелем. У паўночнай частцы возера востраў плошчай каля 2,4 га.

Возера эўтрофнае, слабапраточнае. У возера ўпадае рака Чорная і ручаі, выцякае рака Аршыца. Возера Арэхаўскае выкарыстоўваецца ў якасці ахаладжальніка Беларускай ДРЭС. На паўднёвы ўсход ад возера гарадскі пасёлак Арэхаўск.

У Арэхаўскім возеры водзяцца шчупак звычайны, лешч, карась, плотка, акунь і іншыя віды рыб.

Зноскі

1. Ліст карты N-36-37 Архівавана 2 мая 2013.

Літаратура

• Беларуская энцыклапедыя: У 18 т. Т.2: Аршыца — Беларусцы / Рэдкал.: Г. П. Пашкоў і інш. — Мн.: БелЭн, 1996. — Т. 2. — С. 16. — 480 с. — 10 000 экз. — ISBN 985-11-0061-7 (т. 2).
• Энцыклапедыя прыроды Беларусі. У 5-і т. Т.1 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 1. — 575 с. — 10 000 экз.
• Республика Беларусь. Атлас охотника и рыболова: Витебская область (руск.) / Редактор Г. Г. Науменко. — Мн.: РУП «Белкартография», 2010. — С. 39. — 72 с. — 10 000 экз. — ISBN 978-985-508-136-5.
• Витебская область: Общегеографический атлас (руск.) / Ред. И. Н. Шлык. — Мн.: РУП «Белкартография», 2008. — С. 35. — 36 с. — 5 000 экз. — ISBN 978-985-508-049-8.