Анджэй Дуда

А́нджэй Ду́да (польск.: Andrzej Duda^ⓘ; нар. 16 мая 1972, Кракаў) — польскі палітык. Прэзідэнт Польшчы з 2015 года.

Анджэй Дуда
польск.: Andrzej Duda
6-ы Прэзідэнт Польшчы з 6 жніўня 2015
Папярэднік	Браніслаў Камароўскі
Нараджэнне	16 мая 1972(1972-05-16)[1][2][…] (52 гады) Кракаў, Польская Народная Рэспубліка[1]
Імя пры нараджэнні	польск.: Andrzej Sebastian Duda
Бацька	Ян Тадэвуш Дуда[d]
Маці	Яніна Мілеўская-Дуда[d]
Жонка	Агата Дуда[d]
Дзеці	дачка Кінга Дуда
Веравызнанне	Хрысціянства (каталіцтва)
Партыя	Права і справядлівасць (2015)[1][3] Унія Свабоды[d] (2001) беспартыйны (2005) беспартыйны
Адукацыя	Ягелонскі ўніверсітэт
Навуковая ступень	доктар юрыдычных навук і доктарская ступень[d][4] (24 студзеня 2005)
Дзейнасць	палітыка[5] і адміністрацыйнае права[d][5]
Месца працы	Ягелонскі ўніверсітэт[6] Mieszko I College of Education and Administration in Poznan[d] Chancellery of the President of the Republic of Poland[d] Міністэрства юстыцыі Польшчы[d]
Аўтограф
Узнагароды
Сайт	andrzejduda.pl
Медыяфайлы на Вікісховішчы

У паняцця ёсць і іншыя значэнні, гл. Дуда (значэнні).

Біяграфія

Нарадзіўся 16 мая 1972 года ў сям’і прафесараў Горна-Гутнічай Акадэміі ў Кракаве пры Польскай Народнай Рэспубліцы. Бацькі Анджэя — Ян Дуда і Яніна Мілеўская-Дуда.

Да 1990 года працаваў інструктарам скаўцкага руху. У 1996 годзе скончыў факультэт права і адміністрацыі Ягелонскага ўніверсітэта. З 1997 да 2005 года быў асістэнтам на юрыдычным факультэце Ягелонскага ўніверсітэта, а ў 2005 годзе атрымаў доктарскую навуковую ступень. Таксама ў 2005 годзе заснаваў уласную адвакацкую канцылярыю.

У 2005 годзе звязаўся з партыяй «Права і справядлівасць», першапачаткова як дарадчык парламенцкага клуба партыі, а ў 2006 годзе быў пакліканы міністрам юстыцыі Збігневам Зёбрам на пасаду падсакратара ў міністэрстве. На парламенцкіх выбарах 2007 года не быў абраны ў Сейм. З 2008 да 2010 года служыў падсакратаром у канцылярыі прэзідэнта Леха Качыньскага. З 2011 года — дэпутат польскага Сейма ад партыі «Права і справядлівасць», з 2014 года — дэпутат Еўрапейскага парламента ад гэтай партыі.

10 мая 2015 года на выбарах прэзідэнта Польшчы набраў найбольшую колькасць галасоў (34,76 %) і выйшаў у другі тур разам з дзеючым Прэзідэнтам Польшчы Браніславам Камароўскім. 24 мая 2015 года быў абраны Прэзідэнтам Польшчы, атрымаўшы перамогу ў другім туры выбараў^[7].

На прэзідэнцкіх выбарах 2020 года з невялікай перавагай у другім туры перамог мэра Варшавы Рафала Тшаскоўскага і быў пераабраны на другі прэзідэнцкі тэрмін.

У 2021 годзе прыехаў на Беласточчыну на запрашэнне дзеячаў беларускіх грамадскіх арганізацый. У час візіту Прэзідэнт Дуда наведаў вёску Заляшаны, дзе аддаў даніну павагі жыхарам-беларусам, забітым у 1946 годзе жаўнерамі польскага падпольнага падраздзялення Рамуальда Райса «Бурага»^[8].

Зноскі

1. http://www.sejm.gov.pl/sejm7.nsf/posel.xsp?id=077
2. Andrzej Duda // Brockhaus Enzyklopädie

   <a href='https://wikidata.org/wiki/Track:Q237227'></a>
3. https://www.workwithdata.com/person/andrzej-duda-1972 Праверана 2 кастрычніка 2024.
4. Polish Science Праверана 5 мая 2023.

   <a href='https://wikidata.org/wiki/Track:Q97032597'></a>
5. Czech National Authority Database Праверана 7 лістапада 2022.

   <a href='https://wikidata.org/wiki/Track:Q13550863'></a>
6. http://www.prezydent.pl/prezydent/biografia-andrzeja-dudy/
7. Анджэй Дуда выйграў прэзідэнцкія выбары ў Польшчы(недаступная спасылка)
8. polskieradio.pl

Спасылкі

• На Вікісховішчы ёсць медыяфайлы па тэме Анджэй Дуда