Адміністрацыйны падзел Грэцыі

Гэты артыкул пра сучасны падзел; пра падзел у 1997—2010 гадах гл.: Адміністрацыйны падзел Грэцыі, 1997.

Адміністрацыйны падзел Грэцыі — сучасны падзел Грэцыі сфарміраваны па Праграме Калікратыса^[1] і дзейнічае з 1 студзеня 2011 года. Паводле гэтага падзелу Грэцыя адміністрацыйна складаецца з 7 дэцэнтралізаваных адміністрацый, 13 перыферый і 325 муніцыпалітэтаў. Перыферыі і муніцыпалітэты маюць поўнае самакіраванне. Аўтаномная манаская дзяржава Святой Гары вызваляецца ад гэтых рэформаў і захоўвае свае інстытуты паводле «Статутнай Хартыі Святой Гары Афонскай» 1924 года.

Адміністрацыйны падзел Грэцыі па Праграме Калікратыса. Колеры адпавядаюць перыферыям. Чорнымі лініямі яны падзелены на аддзелы, белымі — на муніцыпалітэты.

Ніжэйшай формай арганізацыі мясцовага самакіравання з'яўляецца муніцыпалітэт. Мэр і гарадскі савет выбіраюцца на пяць гадоў усеагульным галасаваннем. Муніцыпалітэты падзелены на аддзелы, а яны ў сваю чаргу на абшчыны. Апошнія маюць уласныя саветы.

Арганізацыяй мясцовага самакіравання другога ўзроўню з'яўляецца перыферыя, якая адпавядае вялікай геаграфічнай вобласці. Перыферыярх і савет выбіраюцца на пяць гадоў усеагульным галасаваннем. Перыферыі падзелены на аддзелы, якія як правіла супадаюць з номамі. Аддзелы кіруюцца ўласнымі віцэ-перыферыярхамі, якіх выбіраюць разам з перыферыярхам.

Дэцэнтралізаваныя адміністрацыі не з'яўляюцца органамі самакіравання, а служаць мэтам дэцэнтралізацыі кіравання краінай. Складаюцца з ад 1 да 3 перыферый і кіруюцца генеральным сакратаром, які прызначаецца ўрадам Грэцыі і прымае ўсе рашэнні, а таксама саветам, у які ўваходзяць усе перыферыярхі і прадстаўнікі муніцыпалітэтаў і які выконвае дарадчую ролю.

Дэцэнтралізаваныя адміністрацыі

№		Дэцэнтралізаваная адміністрацыя	Адм. цэнтр	Перыферыі	Плошча, км²	Насельніцтва, чал. (2011)[2]	Шчыльнасць, чал./км²	Карта
1		Атыкі	Афіны	Атыка	3808	3 827 624	1005,15
2		Македоніі і Фракіі	Салонікі	Цэнтральная Македонія, Усходняя Македонія і Фракія	32 968	2 490 051	75,53
3		Эпіра і Заходняй Македоніі	Яніна	Эпір, Заходняя Македонія	18 654	620 545	33,27
4		Фесаліі і Цэнтральнай Грэцыі	Ларыса	Фесалія, Цэнтральная Грэцыя	29 586	1 280 152	43,27
5		Пелапанеса, Заходняй Грэцыі і Іоніі	Патры	Пелапанес, Заходняя Грэцыя, Іанічныя астравы	29 147	1 465 554	50,28
6		Эгейскіх астравоў	Пірэй	Паўночныя Эгейскія астравы, Паўднёвыя Эгейскія астравы	9 122	508 206	55,71
7		Крыта	Іракліён	Крыт	8 336	623 065	74,74
		Аўтаномная манаская дзяржава Святой Гары мае асобы статус і ўласны візавы рэжым.			336
		Усяго			131 957	10 815 197	81,96

Зноскі

1. Закон 3852/2010
2. Announcement of the demographic and social characteristics of the Resident Population of Greece according to the 2011 Population - Housing Census. (нявызн.) (PDF)(недаступная спасылка). Piraeus: Hellenic Statistical Authority (23 жніўня 2013). Архівавана з першакрыніцы 25 снежня 2013. Праверана 24 August 2013.

Спасылкі

• На Вікісховішчы ёсць медыяфайлы па тэме Адміністрацыйны падзел Грэцыі