Іозеф Карл Штылер

Іозеф Карл Штылер (ням.: Joseph Karl Stieler, 1 лістапада 1781, Майнц — 9 красавіка 1858, Мюнхен) — нямецкі мастак-партрэтыст.

Іозеф Карл Штылер
ням.: Joseph Karl Stieler[1]
Імя пры нараджэнні	ням.: Kaspar Joseph Stieler[1]
Дата нараджэння	1 лістапада 1781(1781-11-01)[2][3][…]
Месца нараджэння	Майнц, Майнцкае курфюрства, Свяшчэнная Рымская імперыя[1]
Дата смерці	9 красавіка 1858(1858-04-09)[2][3][…] (76 гадоў)
Месца смерці	Мюнхен, Верхняя Баварыя, Баварыя[1]
Месца пахавання	Старыя паўднёвыя могілкі[d][1]
Грамадзянства	Каралеўства Баварыя[4]
Бацька	August Friedrich Stieler[d][1][5]
Жонка	Josephine Stieler[d][1]
Дзеці	Max Stieler[d], Ottilie Malybrok-Stielerová[d], Karl Stieler[d], Guido Stieler[d] і Eugen von Stieler[d]
Род дзейнасці	мастак, партрэтыст
Жанр	партрэтны жывапіс[d][1] і жанравы жывапіс[1]
Вучоба	Венская акадэмія выяўленчых мастацтваў (1805)[6]
Мастацкі кірунак	неакласіцызм
Заступнікі	Максіміліян I
Уплыў	Heinrich Füger[d] і Франсуа Жэрар
Уплыў на	Франц Ксавер Вінтэрхальтэр і Gottlieb Bodmer[d]
Медыяфайлы на Вікісховішчы

Штылер нарадзіўся ў сям’і Аўгуста Фрыдрыха Штылера (1736—1789), разьбяра пячатак курфюрскага манетнага двара ў Майнцы. Сям’я Штылераў была вядомая як сям’я мастакоў, сярод якіх былі мастакі па гербах і пячатках, гравёры.

З лютага па красавік 1820 года Штылер напісаў партрэт Людвіга ван Бетховена, які на сённяшні дзень з’яўляецца па ўсёй бачнасці самай вядомай выявай вялікага кампазітара. Бетховен, які лічыў сустрэчы з Штылерам пакараннем, пагадзіўся пазіраваць Штылеру толькі таму, што заказчыкамі партрэта былі сябры кампазітара Франц і Антонія Брэнтана. Аднак кампазітар выйшаў з цярпення раней за тэрмін, і рукі Бетховена Штылер пісаў ужо па памяці. У 1967 годзе Эндзі Уорхал узяў гэтае палатно за аснову для сваіх малюнкаў Бетховена.

У 1820 годзе Штылер вярнуўся ў Мюнхен і быў прызначаны каралём у прыдворныя мастакі. У 1821 годзе ў ноч перад пахаваннем Штылер напісаў партрэт Караліны, малодшай дачкі Максіміліяна I.

Для караля Людвіга I Штылер напісаў знакамітую Галерэю прыгажунь у палацы Німфенбург. Па замове Людвіга Штылер напісаў у 1828 годзе таксама вядомы партрэт Гётэ. У творчасці Штылера можна вылучыць таксама партрэты Фрыдрыха Вільгельма Іозефа Шэлінга, Людвіга Ціка, Аляксандра фон Гумбальта і сям’і караля Максіміліяна I.

У 1824 годзе Штылер стаў сузаснавальнікам мюнхенскага саюза мастацтваў. У 1833 годзе ён ажаніўся з паэтэсай Жазефінай фон Мілер. У іх было трое дзяцей: Адтылія, будучы мастак Ойген фон Штылер і будучы пісьменнік Карл Штылер. Пляменнікам Штылера і яго вучнем быў Фрыдрых Дзюрк.

Апошнія гады жыцця Штылер правёў у Тэгернзе, дзе на ўзгорку Леебергханг ён пабудаваў сабе летнюю хатку на падораным у 1829 году каралём зямельным участку.

Зноскі

1. Deutsche Biographie — München BSB, Historische Kommission bei der Bayerischen Akademie der Wissenschaften, 2001. Праверана 25 студзеня 2022.

   <a href='https://wikidata.org/wiki/Track:Q1202222'></a><a href='https://wikidata.org/wiki/Track:Q256507'></a><a href='https://wikidata.org/wiki/Track:Q1419226'></a>
2. Joseph Karl Stieler

   <a href='https://wikidata.org/wiki/Track:Q17299517'></a>
3. Joseph Karl Stieler // Benezit Dictionary of Artists — OUP, 2006. — ISBN 978-0-19-977378-7 Праверана 9 кастрычніка 2017.

   <a href='https://wikidata.org/wiki/Track:Q217595'></a><a href='https://wikidata.org/wiki/Track:Q24255573'></a><a href='https://wikidata.org/wiki/Track:Q1547776'></a>
4. artist list of the National Museum of Sweden — 2016. Праверана 27 лютага 2016.

   <a href='https://wikidata.org/wiki/Track:Q16323066'></a><a href='https://wikidata.org/wiki/Track:Q22681075'></a>
5. Biographisches Lexikon der Münzmeister und Wardeine, Stempelschneider und Medailleure Праверана 2 красавіка 2022.

   <a href='https://wikidata.org/wiki/Track:Q90422263'></a>
6. https://blog.daum.net/kmozzart/3169 Праверана 16 мая 2022.