Паўночны тропік

Паўночны тропік, або тропік Рака — адна з пяці асноўных паралеляў, якія адзначаюцца на картах Зямлі. У наш час размешчана на 23° 26′16″ на поўнач ад экватара і вызначае найбольш паўночную шырату, на якой Сонца апоўдні можа падняцца ў зеніт. Гэта адбываецца у момант летняга сонцастаяння, калі вугал падзення сонечных прамянёў на паверхню паўночнага паўшар'я, які змяняецца на працягу года з-за абарачэння нахіленай восі Зямлі вакол Сонца, з'яўляецца максімальным.

23.4378°

23.4378-я паралель паўночнай шыроты

Становішча тропіка Рака на карце свету

Запыт «Тропік Рака» перанакіроўваецца сюды; гл. таксама іншыя значэнні.

Паўднёвы эквівалент тропіка Рака — тропік Казярога. Вобласць, якая ляжыць на поўнач ад тропіка Рака, мае ўмераны клімат. Вобласць, складзеная паміж тропікам Рака і тропікам Казярога, завецца тропікамі. У наш час нахіл зямной восі паступова памяншаецца, і Тропік Рака павольна ссоўваецца да экватара. Назва тропіка Рака адбылася ад сузор'я Рака, у якое 2 тысячы гадоў назад «уваходзіла» Сонца ў момант летняга сонцастаяння. Аднак з-за працэсу апярэджвання раўнадзенстваў у наш час у гэты перыяд сонца знаходзіцца ў сузор'і Блізнят^[1]. Слова «тропік» (адбылося ад грэч. τροπή — паварот) апісвае працэс «развароту» руху Сонца ў сонцастаянне.

Становішча тропіка Рака не з'яўляецца фіксаваным, паколькі па вызначэнні залежыць ад нахілу восі вярчэння планеты адносна Сонца. З прычыны нутацыі, а таксама іншых цыклаў з рознымі перыядамі, становішча тропікаў паступова змяняецца.

Пры перасячэнні тропіка ў моры на судне часам уладкоўваецца Свята Нептуна.

Зноскі

1. Tropic of Cancer (англ.). — артыкул з Encyclopædia Britannica Online.

Гл. таксама

• Паўднёвы тропік (тропік Казярога)
• Палярны круг
• Экватар

Спасылкі

• На Вікісховішчы ёсць медыяфайлы па тэме Паўночны тропік