Марыя Уладзіміраўна Папова

Марыя Уладзіміраўна Папо́ва (нар. 13 ліпеня 1994, Бабруйск, Беларусь) — беларуская баскетбалістка, гуляе на пазіцыі цяжкага форварда за баскетбольны клуб УГМК і нацыянальную зборную Беларусі. Майстар спорту Рэспублікі Беларусь міжнароднага класа.

Марыя Папова
Агульная інфармацыя
Нарадзілася	13 ліпеня 1994(1994-07-13) (30 гадоў) Бабруйск, Магілёўская вобласць, Беларусь
Грамадзянства	Беларусь
Рост	189 см
Вага	85 кг
Пазіцыя	цяжкі форвард
Інфармацыя пра клуб
Клуб	УГМК
Нумар	31
Клубная кар’ера[* 1]
0000—2011 Магіляўчанка 2011—2013 Алімпія 2013—2014 Намюр-Капіталь[en] 2014—2015 Цмокі-Мінск 2015—2016 Енісей 2016—2017 Галатасарай 2017—2018 Адана Ботас 2018—2019 Гожаў 2019—2020 Арка Гдыня 2020— УГМК
Колькасць гульняў і балаў за прафесійны клуб лічыцца толькі для розных ліг нацыянальных чэмпіянатаў.
Медыяфайлы на Вікісховішчы

У Вікіпедыі ёсць артыкулы пра іншых асоб з прозвішчам Папова.

Біяграфія

Пачала займацца баскетболам у сярэдняй школе (у 5-м ці 6-м класе). Выхаванка ДзЮСШ №2 г. Бабруйска. Першы трэнер — Наталля Мікалаеўна Багдановіч^[1]. З 8-га класа перавялася ў Магілёўскае вучылішча алімпійскага рэзерву, дзе пачала гуляць за «Магіляўчанку»^[2]. У 2011 годзе стала самым дзейсным іграком у зборнай Беларусі (U-18) на чэмпіянаце Еўропы ў дывізіёне «B» (11,9 ачка, 8,1 падбору)^[3]. Не замужам.

У сезоне 2012/13 была прызнана лепшым маладым іграком чэмпіянату Беларусі^[4]. Улетку 2014 года стала шостай у рэйтынгу найлепшых маладых ігракоў Еўропы па выніках сумеснага галасавання экспертаў і інтэрнэт-карыстальнікаў, арганізаваным ФІБА-Еўропа^[5]. З 19 гадоў выступае за нацыянальную зборную Беларусі. Увайшла ў склад беларускай каманды на Алімпійскіх гульнях 2016 у Рыа-дэ-Жанэйра.

У 2015 годзе далучылася да клуба «Енісей»^[6]. У ліпені 2016 года падпісала кантракт з турэцкім клубам «Галатасарай».

Кар’ера

• 2007—2010 — Магіляўчанка (Магілёў)
• 2010—2011 — Барысфен (Магілёў)
• 2011—2013 — Алімпія (Гродна)
• 2013—2014 — Намюр Капіталь (Намюр, Бельгія)
• 2014—2015 — Цмокі-Мінск
• 2015—2016 — Енісей (Краснаярск, Расія)
• 2016—2017 — Галатасарай (Стамбул, Турцыя)
• 2017—2018 — Боташспор (Адана, Турцыя)
• 2018—2019 — Гожаў (Гожаў-Велькапольскі, Польшча)
• 2019—2020 — Арка (Гдыня, Польшча)
• з 2020 — УГМК (Екацярынбург, Расія)

Дасягненні

• Чэмпіёнка Беларусі (2): 2012/2013, 2014/2015.
• Чэмпіёнка Польшчы (1): 2019/2020.
• Чэмпіёнка Расіі (3): 2020/2021, 2022/2023, 2023/2024.
• Сярэбраны прызёр чэмпіянату Беларусі (1): 2011/2012.
• Сярэбраны прызёр чэмпіянату Бельгіі (1): 2013/2014.
• Сярэбраны прызёр чэмпіянату Польшчы (1): 2018/2019.
• Сярэбраны прызёр чэмпіянату Расіі (1): 2021/2022.
• Бронзавы прызёр чэмпіянату Турцыі (1): 2016/2017.
• Уладальнік Кубка Польшчы (1): 2019/2020.
• Уладальнік Кубка Расіі (2): 2022/2023, 2023/2024.
• Чэмпіёнка Жаночай Еўралігі (1): 2020/2021.
• Чэмпіёнка Балтыйскай лігі (2): 2012/2013, 2014/2015.
• Бронзавы прызёр Балтыйскай лігі (1): 2011/2012.

Зноскі

1. СПИСОЧНЫЙ СОСТАВ национальной и сборной команд РБ по баскетболу (женщины) на 2018 год. Национальная команда (основной состав)
2. Форвард жаночай зборнай Беларусі па баскетболе Марыя Папова: «Назад заўсёды паспею вярнуцца» Архівавана 26 чэрвеня 2015.
3. Багдан, Мусатава і Папова будуць выступаць за «Алімпію» Архівавана 26 чэрвеня 2015.
4. Мария Попова перешла в БК «Цмокi-Мінск» Архівавана 26 чэрвеня 2015.
5. Магіляўчанка Марыя Папова заняла шосты радок у рэйтынгу лепшых маладых баскетбалістак Еўропы Архівавана 26 чэрвеня 2015.
6. Марыя Папова: гатовая да ўсяго — хоць лятаць на самалёце, хоць ездзіць на цягніку ці трамваі

Спасылкі

• Профіль на сайце РФБ
• Профіль на сайце eurobasket.com
• Профіль на сайце ФІБА Еўропа (англ.)
• Профіль на сайце Беларускай федэрацыі баскетбола Архівавана 6 кастрычніка 2013.
• Профіль на сайце БК Цмокі-Мінск Архівавана 23 красавіка 2015.