Кісялёўка (Мсціслаўскі раён)

У паняцця ёсць і іншыя значэнні, гл. Кісялёўка.

Кісялёўка^[1] (трансліт.: Kisialioŭka, руск.: Киселёвка) — вёска ў Мсціслаўскім раёне Магілёўскай вобласці. Уваходзіць у склад Ходасаўскага сельсавета. За 22 км на паўднёвы захад ад Мсціслава, 4 км ад чыгуначнай станцыі Ходасы. Рэльеф раўнінны. На захадзе цячэ р. Чорная Натапа.

Вёска Кісялёўка Краіна Беларусь Вобласць Магілёўская Раён Мсціслаўскі Сельсавет Ходасаўскі Каардынаты 53°56′29″ пн. ш. 31°25′51″ у. д.HGЯO Насельніцтва ▼7 чал. (2009) Часавы пояс UTC+3 Тэлефонны код +375 2240 Аўтамабільны код 6 СААТА 7246852021 Кісялёўка на карце Беларусі ±

Кісялёўка на Вікісховішчы

Гісторыя

У 1816 годзе ўласнасць памешчыка Кашуры-Масальскага, які меў тут у 1865 годзе 157 дзесяцін зямлі, вадзяны млын і карчму. У 1897 годзе ў Доўгавіцкай воласці Чэрыкаўскага павета Магілёўскай губерні. У 1910 годзе адкрыта школа (народнае вучылішча).

Савецкая ўлада ўстаноўлена ў студзені 1918 года. У 1929 годзе арганізаваны калгас «Шлях Ільіча», які ў 1932 годзе аб'ядноўваў 48 гаспадарак і меў 427 га ворыва.

У Вялікую Айчынную вайну з 14 ліпеня 1941 г. да 28 верасня 1943 г. вёска акупіравана нямецка-фашысцкімі захопнікамі. У 1999 г. у складзе калгаса імя «26 з'езда КПСС».^[2]

Станам на 2016 год у складзе Мсціслаўскага «Райаграпрамтэхзабеспячэння».

Галерэя

• 
  Сад у Кісялёўцы
• 
  Прырода каля Кісялёўкі
• 
  Ферма
• 
  Калектыў "Надзея" ў вёсцы

Насельніцтва

• 1816 год — 17 двароў, 100 жыхароў
• 1897 год — 23 двары, 159 жыхароў
• 1909 год — 36 двароў, 216 жыхароў.
• 1926 год — 35 двароў, 248 жыхароў.
• 2012—2016 гады — 5 жыхароў

Зноскі

1. Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)
2. Памяць. Мсціслаўскі раён. — Мн: «Полымя», 1999.

Спасылкі

• На Вікісховішчы ёсць медыяфайлы па тэме Кісялёўка (Мсціслаўскі раён)