Дарогу качанятам! (скульптура)

Дарогу качанятам! — адна са славутасцей Масквы, усталяваная ў 1991 годзе ў скверы каля Новадзявочага манастыра.

Помнік
Дарогу качанятам!
руск.: Дорогу утятам!
55°43′42″ пн. ш. 37°33′17″ у. д.HGЯO
Краіна	Расія
Горад	Масква
Скульптар	Шэн Нэнсі
Дата заснавання	1991[1]
Матэрыял	бронза
Медыяфайлы на Вікісховішчы

Гісторыя

Скульптурная кампазіцыя «Дарогу качанятам!» была ўсталявана на беразе сажалкі ў скверы ля Новадзявочага манастыра ў 1991 годзе^[2]. Казачная аповесць «Дарогу качанятам!» амерыканскага пісьменніка Роберта Мак-Клоскі, апублікаваная ў 1941 годзе, мела такі поспех, што ўлады Бостана вырашылі ўсталяваць у цэнтральным парку помнік галоўнай гераіні кнігі — маме-качцы Місіс Малард і яе васьмі качанятам. Помнік быў выкананы па эскізах прыхільніцы Мак-Клоскі Нэнсі Шэн. Копія гэтай скульптуры ў 1991 годзе была падорана Барбарай Буш Раісе Гарбачовай, якая, быўшы разам са сваім мужам у Бостане з дзелавым візітам і апынуўшыся ў Цэнтральным гарадскім парку, зацікавілася кампазіцыяй^[3].

На наступную ноч пасля адкрыцці помніка аднаго з качанят скралі. У лютым 2000 года^[4] зніклі яшчэ тры фігуры. Аўтар скульптуры, даведаўшыся пра гэта, вырашыла аднавіць свой твор, і 18 верасня 2000 года адбылося ўрачыстае адкрыццё ўзноўленай кампазіцыі. На цырымонію прыехалі Міхаіл Гарбачоў з дачкой Ірынай, надзвычайны пасол ЗША ў Расіі Джэймс Колінз, тагачасны міністр культуры Міхаіл Швыдкой, старшыня Камітэта па культуры Урада Масквы Ігар Барысавіч Бугаеў і іншыя^[3].

У наш час з мэтай абароны ад вандалізму скульптура замацавана арматурай, паблізу размешчана будка аховы.

Апісанне

Бронзавая скульптурная кампазіцыя «Дарогу качанятам!» усталявана на брукаванай каменем дарожцы і складаецца з дзевяці фігур: мамы-качкі Малард і васьмі качанят: Джэка, Кэка, Лэка, Мэка, Нэка, Квэка, Пэка і Квака. Помнік з'яўляецца адмысловым знакам замірэння паміж Расіяй і Злучанымі Штатамі Амерыкі

Зноскі

1. Make Way For Diplomacy: How Boston's 'Ducklings' Helped Ease U.S.-Soviet Tensions — 2017. Праверана 15 чэрвеня 2022.
2. Памятник утке с утятами у пруда Новодевичьего монастыря в Москве (нявызн.)(недаступная спасылка). Достопримечательности Москвы (22 лютага 2014). Архівавана з першакрыніцы 29 чэрвеня 2015. Праверана 27 чэрвеня 2015.
3. Ольга Ращупкина.. Американские утки вновь в Москве (нявызн.). Независимая газета (19 сентября 2000). Архівавана з першакрыніцы 16 красавіка 2012. Праверана 27 чэрвеня 2015.
4. Памятник Дорогу утятам (нявызн.). Лучшие монументы Москвы. Праверана 27 чэрвеня 2015.