Гаўрыла Сямёнавіч Віер

Гаўры́ла Сямё́навіч Ві́ер (6 красавіка 1890, в. Пуцінтэй  (руск.), цяпер Аргееўскі раён  (руск.), Малдовы — 7 сакавіка 1964) — беларускі мастак, жывапісец.

Гаўрыла Віер
Дата нараджэння	6 красавіка 1890(1890-04-06)
Месца нараджэння	Puțintei[d], Orhei District[d], Аргееўскі павет[d], Бесарабская губерня, Расійская імперыя
Дата смерці	7 сакавіка 1964(1964-03-07) (73 гады)
Месца пахавання	Кальварыйскія могілкі
Род дзейнасці	мастак
Вучоба	Рысавальная школа Імператарскага таварыства заахвочвання мастацтваў[d] (1916)
Медыяфайлы на Вікісховішчы

Біяграфія

З 1905 года вучыўся і працаваў у Мінску ў іканапіснай майстэрні П. Курбатава, у 1910—1912 гадах вучыўся ў Пецярбургу ў мастака С. Ягорава, скончыў там у 1916 годзе Рысавальную школу таварыства заахвочвання мастацтваў^[1]. У 1921 годзе вярнуўся ў Мінск, працаваў дэкаратарам у тэатры «Чырвоная зала», выкладаў у чыгуначным тэхнікуме^[1].

Пахаваны на Кальварыйскіх могілках у Мінску.

Творы

«Юны мастак». 1923. НММ РБ

Аўтар твораў «Малады мастак» (1923), «Старое і новае» (1927), «Суботнік» (1932), «Маладыя спартсмены» (1934). Лепшыя творы гістарычнага жанру: «Курлоўскі расстрэл» (1924), «Лядовае пабоішча» (1938), «3 ліпеня 1944 года ў Мінску» (1945); з партрэтаў — «Змітрок Бядуля» (1924), «Сямейны партрэт» (1927), «Кандрат Крапіва» (1938) і інш^[1].

Зноскі

1. Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — С. 144. — 10 000 экз. — ISBN 985-11-0035-8. — ISBN 985-11-0090-0 (т. 4).