Чорнагалоў

Чорнагалоў^[1], Чорнагаловік (Prunella)^[2] — род кветкавых раслін сямейства Ясноткавыя (Lamiaceae).

Чорнагалоў
Чорнагалоў звычайны (Prunella vulgaris)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Ясноткавыя Падсямейства:  Nepetoideae Трыба:  Мятныя Падтрыба:  Prunellinae Род:  Чорнагалоў
Міжнародная навуковая назва
Prunella L.
Віды
Гл. тэкст
Сістэматыка на Віківідах Выявы на Вікісховішчы ITIS   32380 NCBI   39176 EOL   70879 GRIN   g:9886 IPNI   21152-1

Батанічнае апісанне

Чорнагалоў буйнакветны (Prunella grandiflora)

Шматгадовыя травяністыя расліны з паўзучым карэнішчам і прамастойнымі або прыўзнятымі, часам галінастымі, сцёбламі. Кветкі сабраныя ў несапраўдныя кальчакі, утвараючыя густыя коласападобныя верхавінкавыя суквецці. Плод — арэшак.

Арэал

Налічвае каля 7^[3] (12^[4]) відаў, пашыраных ва ўмераных і субтрапічных раёнах Паўночнага паўшар’я. На тэрыторыі Беларусі 2 віды: чорнагалоў буйнакветны (Prunella grandiflora) і чорнагалоў звычайны, або гарлянка (Prunella vulgaris)^[2]. Сустракаюцца расліны на незабалочаных лугах, у лясах, хмызняках, на берагах вадаёмаў і ўздоўж дарог^[3].

Выкарыстанне

Лекавыя, меданосныя і дэкаратыўныя расліны.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 105. — 160 с. — 2 350 экз.
2. Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17.
3. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
4. Чорнагалоў: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)