Grupo Santander — буйнейшая фінансава-крэдытная група ў Іспаніі і Еўразоне з рыначнай капіталізацыяй каля 80 мільярдаў еўра і актывамі звыш 1 трыльёна еўра. Фінансавыя інстытуты кампаніі ёсць практычна ва ўсіх краінах Цэнтральнай Еўропы і ў Лацінскай Амерыцы. Ключавой структурай групы з’яўляецца Banco Santander — буйнейшы банк Іспаніі і, станам на верасень 2010 года, буйнейшы паводле капіталізацыі банк еўразоны[1]. Штаб-кватэра — у горадзе Сантандэры (Кантабрыя).
Гісторыя
Сучасная банкаўская група з’яўляецца вынікам шматлікіх зліццяў і паглынанняў. Сваю гісторыю Grupo Santander вядзе з 1857 года, калі быў заснаваны Banco Santander.
У верасні 2007 года група абвясціла аб сваім тытульным спонсарстве галоўнага футбольнага турніру ў Паўднёвай Амерыцы — Кубка Лібертадорэс, пачынаючы з 2008 года. Раней турнір спансіравала японская Toyota.
Зліцці і паглынанні
Толькі на працягу 1985—2010 гадоў група выдаткавала на паглынанні 70 мільярдаў долараў[2] У 2004 годзе Santander набыла буйнейшы брытанскі банк Abbey і стала дзясятым па вялічыні банкам у свеце.
У ліпені 2010 года банк набыў у шведскага банка SEB за 555 мільёнаў еўра 173 аддзяленні ў Германіі, а ў жніўні таго ж года набыў у Вялікабрытаніі 318 аддзяленняў у Royal Bank of Scotland і выкупіў аўтакрэдыты на суму 4,3 мільярда долараў ў HSBC[1].
У верасні 2010 года Santander абвясціў аб пакупцы ў Allied Irish Banks (AIB) 70 % долі ў капітале польскага Bank Zachodni WBK (пятага па памеру актываў у краіне) за 4,2 мільярда еўра[1].
Уласнікі і кіраўніцтва
Старшыня савета дырэктароў — Эміліо Бацін (Emilio Botin), галоўны ўпраўляючы — Альфрэда Саэнц Абад (Alfredo Sáenz Abad).
Спонсарства
.jpg)
Santander выступае ў якасці тытульнага спонсара Гран-пры Кітая, Гран-пры Іспаніі, Гран-пры Германіі, Гран-пры Вялікабрытаніі, а таксама з’яўляецца партнёрам такіх каманд, як McLaren і Scuderia Ferrari у Формуле-1.
Зноскі
- Татьяна Бочкарева. Неистовый Сантандер // Ведомости, 13.09.2010, № 171 (2869).
- Joe Brennan? Charles Penty. Santander to Buy Alliched Irish Stake in Bank Zachodni(недаступная спасылка) // blomberg.com
Спасылкі
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
