From Wikipedia, the free encyclopedia
Ярцава (руск.: Ярцево) — горад (з 1926 года) у Расіі, адміністрацыйны цэнтр Ярцаўскага раёна Смаленскай вобласці. Насельніцтва 50,1 тыс. чалавек (2007).
Горад
| ||||||||||||||||||||||||||||||
Горад размешчаны на левым беразе ракі Вопь (прыток Дняпра), за 63 км ад Смаленска. Цераз Ярцава праходзіць федэральная аўтатраса «Беларусь».
У сярэдзіне ХIХ стагоддзя на месцы сучаснага Ярцава знаходзілася невялікае паселішча з пастаялым дваром і 55 жыхарамі. З правядзеннем чыгункі Масква — Смаленск (1870) адкрыта станцыя і ўзнік пасёлак пры ёй. У раёне Ярцава наладзіўся перавоз цераз р. Вопь, у выніку чаго і само паселішча сталі называць Ярцава-Перавоз. А чыгуначная станцыя ператварылася ў буйны пункт збыту «мануфактурных тавараў», дроў і лясных будаўнічых матэрыялаў.
Непадалёк ад вёскі і станцыі купец А. І. Хлудаў пабудаваў прадзільную і ткацкую фабрыку (1873—1881), пря якой сфарміраваўся рабочы пасёлак.
Савецкая ўлада ўстаноўлена 28 кастрычніка (10 лістапада) 1917 года. У пачатку 1920-х гадоў была створана Ярцаўская воласць, у 1925 годзе цэнтр павета перанеслі ў Ярцава. У 1926 годзе Ярцава атрымала статус горада (уключыў вёску, станцыю і пасёлак пры фабрыцы). Раённы (з 1929), акруговы (май — ліпень 1930) цэнтр Заходняй (з 1929), затым Смаленскай (з 1937) абласцей.
У 1941 годзе Ярцава і раён — месца жорсткіх баёў у час Смаленскай бітвы. 16 ліпеня акупавана германскімі войскамі, 19 ліпеня вызвалена часцямі Чырвонай Арміі, ізноў занята немцамі 5 кастрычніка. У 1942—1943 гадах у Ярцаве існаваў канцлагер. Горад вызвалены 16 верасня 1943 года.
Ліцейна-пракатны завод, завод «Аўтамаш» (вытворчасць самаходнага горна-шахтнага абсталявання). Ярцаўскі баваўняны камбінат.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.