Ян IX

У Вікіпедыі ёсць артыкулы пра іншых людзей з імем Ян.

Ян IX (лац.: Ioannes PP. IX; 840—900) — Папа Рымскі з студзеня 898 па студзень 900. Родам з Цівалі, манах Бенедыктынскага ордэна.

Ян IX
лац.: Ioannes PP. IX
116-ы Папа Рымскі 18 студзеня 898 — 5 студзеня 900
Папярэднік	Тэадор II
Пераемнік	Бенедыкт IV
Кардынал-дыякан з 893
Дзейнасць	каталіцкі святар, пісьменнік
Нараджэнне	каля 840 Цівалі, правінцыя Рым, Лацыа, Італія
Смерць	5 студзеня 900 Рым, Папская вобласць[1]
Пахаванне	Сабор Святога Пятра
Медыяфайлы на Вікісховішчы

Біяграфія

Яго абранню папярэднічалі Трупны сінод і падазроныя смерці двух яго папярэднікаў. Ян прадстаўляў у Латэране партыю нябожчыка Фармоза, якой процідзейнічала партыя Сергія, адлучанага Янам ад царквы. Яго галоўнымі мерапрыемствамі былі царкоўныя саборы ў Равене і Рыме, што прызналі несапраўднасць Трупнага сінода і пастанавілі знішчыць яго дакументы. Вымушаны каранаваць імператарам Берэнгара Фрыульскага, пасля яго аддалення Ян IX прызнаў законным імператарам яго суперніка Ламберта, з дапамогай якога і ўтрымаўся на прастоле. У надзеі спыніць перыяд нестабільнасці вакол папскага прастола ён аднавіў «рымскую канстытуцыю» Лотара I, па якой на папскіх выбарах абавязкова павінен быў прысутнічаць прадстаўніка імператара.

Зноскі

1. Union List of Artist Names — 2015. Праверана 25 кастрычніка 2018.

   <a href='https://wikidata.org/wiki/Track:Q110250907'></a><a href='https://wikidata.org/wiki/Track:Q2494649'></a>

Пры напісанні артыкула выкарыстаны матэрыял з Энцыклапедычнага слоўніка Бракгаўза і Эфрона (1890—1907).