Шацкая воласць

Шацкая воласць — адміністрацыйная адзінка ў складзе Ігуменскага павета Мінскай губерні, існавала да 1924 года. Адміністрацыйны цэнтр — мястэчка Шацк.

Шацкая воласць
Краіна	Расійская імперыя  Польская Рэспубліка  БССР
Уваходзіць у	Чэрвеньскі павет
Адміністрацыйны цэнтр	Шацк
Дата ўтварэння	1860-я
Дата скасавання	17 ліпеня 1924

Гісторыя

Карта валасцей Мінскай губерні, 1892 г.

Шацкая воласць утворана пасля 1861 года. У 1880-я гады ўключала 7 сельскіх грамад (Задашчанскае, Кавалевіцкае, Слабодскае, Старынкаўскае, Талкачоўскае, Хатлянскае, Шацкае), 18 населеных пунктаў (найбуйнейшыя — Шацк, Вяркалы)^[1].

Караванчык з мястэчка Шацк у Жыціне, 1911 г. Фота І. Сербава.

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай воласць абвешчана часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (польск.: Gmina Szack; Ігуменскі павет, Мінская акруга ГУУЗ).

З 31 ліпеня 1920 года ў Беларускай ССР. Скасавана 17 ліпеня 1924 года ў сувязі з утварэннем Менскай акругі і падзелам на раёны.

Насельніцтва

• 1880-я гады — 5677 жыхароў^[1]
• 1919 год — 10 065 жыхароў^[2]

Крыніцы

1. Памяць 2003, с. 53.
2. Spis ludności na terenach administrowanych przez Zarząd Cywilny Ziem Wschodnich z mapą, Eugenjusz Romer, Lwów-Warszawa, 1919.

Літаратура

• Уладзіслаў Вяроўкін-Шэлюта. Ігуменскі павет // Энцыклапедыя гісторыі Беларусі. У 6 т. Т. 3: Гімназіі — Кадэнцыя / Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн. : БелЭн, 1996. — С. 472—473. — 10 000 экз. — ISBN 985-11-0041-2.
• Памяць: Пухав. р-н: Гіст.-дак. хронікі гарадоў і р-наў Беларусі / Укл. А. А. Прановіч; Рэдкал.: А. М. Карлюкевіч і інш.. — Мінск: Беларусь, 2003. — 749 с. — ISBN 985-01-0251-9.