Ко́пцеўскі сельсавет — адміністрацыйна-тэрытарыяльная адзінка ў складзе Горацкага раёна Магілёўскай вобласці. Цэнтр — аграгарадок Копцеўка.
| Копцеўскі сельсавет | |
|---|---|
| Краіна | Беларусь |
| Уваходзіць у | Горацкі раён |
| Уключае | 14 населеных пунктаў |
| Адміністрацыйны цэнтр | Копцеўка |
| Дата ўтварэння | 20 жніўня 1924 |
| Насельніцтва (2019) | 497 |
| Часавы пояс | UTC+03:00 |
| Код аўтам. нумароў | 6 |
| Афіцыйны сайт | |
Гісторыя
У пачатку 1919 года ў Шамаўскай воласці пачала дзейнічаць антыбальшавіцкая «банда» на чале з белагвардзейскім афіцэрам, якая разагнала Копцеўскі сельсавет, разграміла сельгаскамуну, раздала жывёл, сельгасінвентар і іншую маёмасць жыхарам суседніх вёсак, а сябе ўзялі толькі некалькі коней. Ліквідавалі т.зв. «банду» толькі ў канцы 1919 года[1].
Утвораны 20 жніўня 1924 года як Чурылаўскі (Студзянецкі) сельсавет у складзе Дрыбінскага раёна Аршанскай акругі БССР. Цэнтр — вёска Чурылава. У 1927 годзе цэнтр сельсавета перанесены ў вёску Студзянец. Пасля скасавання акруговай сістэмы 26 ліпеня 1930 года ў Дрыбінскім раёне БССР, з 8 ліпеня 1931 года — у Горацкім раёне. У 1931 годзе цэнтр сельсавета перанесены ў вёску Пнеўшчына. З 12 лютага 1935 года ў складзе адноўленага Дрыбінскага раёна БССР, з 20 лютага 1938 года — Магілёўскай вобласці. З 16 верасня 1959 года ў складзе Горацкага раёна. 19 студзеня 1960 года цэнтр сельсавета перанесены ў вёску Копцеўка, сельсавет перайменаваны ў Копцеўскі. У 1961 годзе ў склад сельсавета з Дрыбінскага сельсавета перададзены пасёлак Мікольск[2], які быў скасаваны 7 сакавіка 2008 года[3].
Насельніцтва
Насельніцтва сельсавета паводле перапісу 2009 года — 738 чалавек[4], з іх 95,9 % — беларусы, 2,7 % — рускія, 0,8 % — украінцы[5]; паводле перапісу 2019 года — 497 чалавек[6].
Зноскі
- Тарасенкова, Т. И. Становление белорусской советской государственности в воспоминаниях участников событий (по материалам Государственного архива новейшей истории Смоленской области) / Т. И. Тарасенкова // Гістарычны лёс беларускай савецкай дзяржаўнасці: (да 100-годдзя абвяшчэння Сацыялістычнай Савецкай Рэспублікі Беларусі): зборнік артыкулаў / Нацыянальная акадэмія навук Беларусі, Інстытут гісторыі; [рэдкалегія: А. А. Каваленя (старшыня) і інш.]. — Мінск: Беларуская навука, 2021. — 373, [1] с.: табл. — С. 20—22. — ISBN 978-985-08-2784-5. Са спасылкай на: Дзяржаўны архіў найноўшай гісторыі Смаленскай вобласці. — Ф. 142. — Воп. 2. — Спр. 122. — Л. 13—18.
- Рашэнні выканкома Магілёўскага абласнога Савета дэпутатаў працоўных ад 16 і 30 лістапада 1961 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1962, № 2 (961).
- Пералік найменняў геаграфічных аб’ектаў, спыніўшых сваё існаванне за 2006—2008 гг. Архівавана 20 красавіка 2022. (руск.)
Літаратура
Wikiwand - on
Seamless Wikipedia browsing. On steroids.