Хасэ Энрыке Варэла

Хасэ Энрыке Варэла Іглесіяс (ісп.: José Enrique Varela Iglesias; 17 красавіка 1891 — 24 сакавіка 1951) — іспанскі ваенны дзеяч, генерал. Удзельнік грамадзянскай вайны 1936—1939 гадоў.

Хасэ Энрыке Варэла
ісп.: José Enrique Varela Iglesias
Дата нараджэння	17 красавіка 1891(1891-04-17)[1]
Месца нараджэння	Сан-Фернанда, правінцыя Кадыс, Андалусія, Іспанія
Дата смерці	24 сакавіка 1951(1951-03-24)[1] (59 гадоў)
Месца смерці	Танжэр, Tangier-Assilah Prefecture[d], Марока
Альма-матар	Toledo Infantry Academy[d]
Грамадзянства	Іспанія
Прыналежнасць	Каралеўства Іспанія[d] і Франкісцкая Іспанія
Род войскаў	пяхота і Рэкетэ
Званне	генерал-лейтэнант
Бітвы/войны	грамадзянская вайна ў Іспаніі Аблога Алькасара Тэруэльская аперацыя Бітва на Эбра
Узнагароды і званні	Dearest Son of Cádiz province[d]
Аўтограф
Медыяфайлы на Вікісховішчы

Біяграфія

Нарадзіўся ў сям’і сяржанта Хуана Варэлы Перэса, які служыў у пяхотным палку Марыны. У 1909 годзе паступіў у гэты ж полк, затым быў выраблены ў сяржанты. У 1912—1915 гадах вучыўся ў пяхотным вучылішчы, пасля заканчэння якога быў выраблены ў малодшыя лейтэнанты і прызначаны на службу ў мараканскія стралковыя часці.

У 1920-я гады ўдзельнічаў у баявых дзеяннях у Марока.

Пасля звяржэння манархіі ў 1931 годзе Варэла, вядомы як прыхільнік манархіі (прычым сімпатызаваў найбольш кансерватыўнай часткі іспанскіх манархістаў — «карлістам») быў звольнены ў рэзерв. У наступным годзе ўдзельнічаў у змове правага генерала Хасэ Санхурха, якая аднак правалілася.

Улетку 1936 прыняў удзел ва ўзброеным паўстанні супраць урада Народнага Фронту. Бунт прывёў да пачатку грамадзянскай вайны ў Іспаніі. Варэла ўдзельнічаў у ёй на баку Франсіска Франка. Падчас канфлікту ён даслужыўся да дывізіённага генерала. У 1939 годзе з перамогай нацыяналістаў быў прызначаны міністрам абароны ў першым урадзе Франкісцкай Іспаніі.

У пачатку 1940-х, калі абвастрыліся супярэчнасці паміж фалангістамі і карлістамі, быў адпраўлены ў адстаўку.

У 1945 годзе быў прызначаны Вярхоўным камісарам Іспаніі ў Марока. Варэла займаў гэты пост да свайго скону. Пасмяротна яму прысвоены тытул маркіза Сан-Фернанда.

Літаратура

• Томас Х. Гражданская война в Испании. 1931—1939 гг. — М.: Центрполиграф, 2003. — 573 с. — ISBN 5-9524-0341-7.
• Данилов С. Ю. Гражданская война в Испании (1936—1939). — М.: Вече, 2004. — 352 с. — ISBN 5-9533-0225-8.

1. José Enrique. Marqués de Varela de San Fernando (I) Varela Iglesias // Diccionario biográfico español — Real Academia de la Historia, 2011. Праверана 9 кастрычніка 2017.

   <a href='https://wikidata.org/wiki/Track:Q41705771'></a><a href='https://wikidata.org/wiki/Track:Q2720582'></a>