беларускі футбольны клуб From Wikipedia, the free encyclopedia
«Прамень» — беларускі футбольны клуб з горада Мінск, заснаваны ў 2012 годзе.
У пачатку 2019 года клуб пераехаў у Магілёў і аб’яднаўся з мясцовым клубам «Дняпро».
У 2007 годзе была заснавана АЛФ (руск.: Ассоциация любительского футбола) — незалежная ад БФФ аматарская футбольная ліга горада Мінска. Новая ліга хутка набрала папулярнасць, і ў 2012 кіраўніцтва лігі вырашыла выставіць зборную каманду лігі на афіцыйны чэмпіянат Мінска. Так з’явілася каманда АЛФ-2007.
У 2013 АЛФ-2007 заявілася ў Другую лігу чэмпіянату Беларусі. У дэбютным сезоне каманда заняла 12 месца з 13. У той жа час каманда здолела атрымаць перамогу ў аматарскім Рэгіянальным Кубку Беларусі і пуцёўку на Кубак Рэгіёнаў УЕФА.
У 2014 спонсарам клуба стаў Мінскі гадзіннікавы завод «Прамень», адпаведна каманда ўзяла назву «Прамень». Трапіўшы ў групу А, «Прамень» доўгі час вёў барацьбу за месца ў першай чацвёрцы, якое давала магчымасць працягваць барацьбу ў фінальным этапе. Толькі ў апошнім туры, дзякуючы перамозе над «Асіповічамі» (4:0), аматары забяспечылі сабе месца ў фінале.
Перад пачаткам фінальнага этапу каманда (пад былой назвай АЛФ-2007) згуляла ў кваліфікацыйным турніры Кубку Рэгіёнаў УЕФА ў Босніі і Герцагавіне, дзе заняла апошняе месца, саступіўшы ва ўсіх трох матчах[1].
Пачынаючы фінальны этап Другой лігі на апошнім радку, «Прамень» здолеў атрымаць дзве перамогі і перагнаць землякоў са «Ждановічаў», атрымаўшы выніковае сёмае месца.
Сезон 2015 каманда пачала няўдала, але са жніўня «Прамень» выдаў серыю з 15 перамог запар, якая так і не была перарвана ажно да канца сезону. За гэты час мінскі клуб выйшаў у фінальны этап з другога месца ў групе; у фінальным ж этапе восем перамог дазволілі узняцца з пачатковага сёмага месца на першае, у выніку «Прамень» атрымаў павышэнне ў Першую лігу.
1 лістапада 2015 года «Прамень» у фінале Рэгіянальнага Кубка Беларусі перайграў мар’інагорскую «Вікторыю» (3:0)[2] і праз два гады паўторна заваяваў трафей.
У Першай лізе «Прамень» адразу стаў адным з фаварытаў, хутка замацаваўшыся ў верхняй частцы табліцы. Доўгі час сталічная каманда вяла барацьбу супраць «Гомельчыгунтранса» за трэці радок. Улетку шэраг ігракоў каманды быў абвінавачаны ў арганізацыі дагаварнога матчу, з-за чаго «Прамень» быў пазбаўлены права прыняць удзел у Кубку рэгіёнаў УЕФА. Тым не менш, каманда працягвала паспяхова выступаць у Першай лізе і, абагнаўны «Гомельчыгунтранс», заняла трэці радок. Аднак, ужо пасля заканчэння сезону дысцыплінарны камітэт прыняў рашэнне ануляваць вынікі шэрагу матчаў «Промня» і прысудзіць у іх тэхнічныя паражэнні, з-за чаго каманда апусцілася на чацвёртае месца.
Сезон 2017 «Прамень» пачаў са штрафам у 10 ачкоў з-за ўдзелу ў дагаварных матчаў у мінулым сезоне. У студзені 2017 года галоўны трэнер каманды Іван Біёнчык перайшоў у працу ў «Крумкачы», аднак ужо праз тыдзень вярнуўся ў «Прамень». Клуб здолеў захаваць лідараў, склад каманды папоўніў шэраг маладых ігракоў. Ужо пасля чатырох тураў «Прамень» адыграў першапачатковы штраф, першую палову чэмпіянату каманда скончыла на шостым месцы. Добрым атрымаўся фініш чэмпіянату, калі «Прамень» атрымаў дзевяць перамог запар, што дазволіла яму з адрывам у 5 ачкоў заняць першае месца і выйсці ў Вышэйшую лігу.
Першы сезон у Вышэйшай лізе атрымаўся для каманды цяжкім. «Прамень» захаваў асноўных ігракоў і працягнуў стаўку на маладых выхаванцаў клубаў Вышэйшай лігі, многіх з іх браў у арэнду. У выніку каманда шмат гуляла ўнічыю, але рэдка перамагала і апынулася ўнізе табліцы. Доўгі час «Прамень» знаходзіўся ў зоне вылету, і толькі нічыя ў апошнім туры са «Смалявічамі» дазволіла захаваць месца ў Вышэйшай лізе.
8 лютага 2019 года было абвешчана аб падпісанні «Промнем» дагавора аб намерах з магілёўскім «Дняпро», згодна з якім прадугледжвалася стварэнне аб’яднанай каманды ў Вышэйшай лізе. Пасля гэтага шэраг ігракоў магілёўскага клуба адправіліся на прагляд у «Прамень», некаторыя з іх падпісалі кантракт, астатнія разышліся па іншых клубах. 20 сакавіка 2019 года «Прамень» афіцыйна абвясціў аб пераездзе ў Магілёў і змене назвы на «Дняпро». Асноўную каманду ўзначалілі спецыялісты «Промня», а дубль склаўся з ігракоў і трэнераў былога «Дняпро», юнацкія ж каманды ў двух клубах засталіся асобнымі.
.gif)
.jpg)
Пераможца Другой лігі чэмпіянату Беларусі: 2015 Уладальнік Рэгіянальнага Кубка Беларусі (2): 2013, 2015| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 2013 | Другая (Д3) | 12 | 24 | 4 | 8 | 12 | 24–41 | 20 | 1/32 фіналу | |
| 2014 | Другая — А (Д3) | 4 | 22 | 10 | 5 | 7 | 36–24 | 35 | 1/64 фіналу | Выхад у фінальны этап |
| Фінальны этап | 7 | 141 | 3 | 0 | 11 | 10–28 | 9 | |||
| 2015 | Другая — Б (Д3) | 2 | 18 | 12 | 2 | 4 | 53–17 | 38 | 1/32 фіналу | Выхад у фінальны этап |
| Фінальны этап | 1 | 142 | 9 | 1 | 4 | 26–14 | 28 |  Выхад у Першую лігу | ||
| 2016 | Першая (Д2) | 4 | 26 | 12 | 6 | 8 | 38–28 | 413 | 1/32 фіналу | |
| 2017 | Першая (Д2) | 1 | 30 | 22 | 7 | 1 | 73–22 | 634 | 1/16 фіналу | Выхад у Вышэйшую лігу |
| 2018 | Вышэйшая (Д1) | 13 | 30 | 4 | 12 | 14 | 24–44 | 24 | 1/16 фіналу | Аб’яднанне з магілёўскім «Дняпро» |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
