Уладзімір Дзмітрыевіч Будзько

Уладзімір Дзмітрыевіч Будзько (30 снежня 1927, в. Ліскі, Рагачоўскі раён, Гомельская вобласць — 19 кастрычніка 2004) — беларускі археолаг. Кандыдат гістарычных навук (1962).

Уладзімір Дзмітрыевіч Будзько
Дата нараджэння	30 снежня 1927(1927-12-30)
Месца нараджэння	Ліскі, Побалаўскі сельсавет, Рагачоўскі раён, Бабруйская акруга, БССР, СССР
Дата смерці	19 кастрычніка 2004(2004-10-19) (76 гадоў)
Грамадзянства	СССР  Беларусь
Род дзейнасці	навуковец
Навуковая сфера	археалогія
Месца працы	Інстытут гісторыі НАНБ Гомельскі дзяржаўны ўніверсітэт імя Францыска Скарыны Інстытут мастацтвазнаўства, этнаграфіі і фальклору імя Кандрата Крапівы НАН Беларусі
Навуковая ступень	кандыдат гістарычных навук
Альма-матар	БДУ
Узнагароды	Ордэн Славы III ступені Медаль «За ўзяцце Кёнігсберга»

У Вікіпедыі ёсць артыкулы пра іншых асоб з прозвішчам Будзько.

Біяграфія

Удзельнічаў у Вялікай Айчыннай вайне.

У 1957 скончыў Беларускі дзяржаўны ўніверсітэт імя У. І. Леніна. З 1961 па 1964 малодшы навуковы супрацоўнік Інстытута гісторыі АН БССР, з 1964 па 1965 старшы навуковы супрацоўнік, з 1965 па 1970 загадчык сектара археалогіі. У 1962 абараніў кандыдацкую дысертацыю «Палеолит Белоруссии». У 1970—1972 дацэнт Гомельскага ўніверсітэта, з 1973 у Інстытуце мастацтвазнаўства, этнаграфіі і фальклору НАН Беларусі.

Навуковая сфера

Даследаваў верхні палеаліт і мезаліт на тэрыторыі Беларусі і сумежнай тэрыторыі Расіі. Праводзіў раскопкі верхнепалеалітычных стаянак у Бердыжы, Елісеевічах, Юдзінаве, Юравічах, стаянак фінальнага палеаліту ў Падлужжы, Грэнску, Рудні Споніцкай і інш., устанавіў іх геалагічны ўзрост (разам з Л. М. Вазнячуком), вызначыў месца гэтых помнікаў сярод аналагічных стаянак Усходняй і Цэнтральнай Еўропы. Вылучыў самастойную грэнскую культуру, якая ў сваім развіцці прайшла 2 этапы: фінальнапалеалітычны і мезалітычны.

Творы

• Археология в Белоруссии за советский период // Советская археология. — 1967. — № 4. — С.
• Некоторые итоги исследования палеолита Белоруссии // Человек и географическая среда: сборник к VII Международному конгрессу. — М., 1964.
• Новейшие данные по палеолиту Белоруссии // Труды Четвертичной комиссии. — М., 1964
• О свидерской культуре в Белоруссии // Мезолит СССР. — М. — Л., 1962. — (Археология СССР).
• Юровичская верхнепалеолитическая стоянка // Белорусские древности. — Мн., 1967.

Літаратура

• Чубур А. А., Курлович П. С. Создатель археологических химер: карьера Владимира Будько(руск.) // Рогачевские чтения: музей, археология, история. — Воронеж: 2021. — В. 1. — С. 116—124.