Таццяна Будовіч

Таццяна Будовіч (сапр.: Таццяна Васільеўна Барадуля; нар. 12 студзеня 1977, Мінск) — беларуская паэтэса, літаратурны крытык, парадыст. Навуковы супрацоўнік Дзяржаўнага літаратурнага музея імя Максіма Багдановіча. Член Саюза беларускіх пісьменнікаў^[1].

Таццяна Будовіч
Асабістыя звесткі
Дата нараджэння	12 студзеня 1977(1977-01-12) (47 гадоў)
Месца нараджэння	Мінск, БССР, СССР
Грамадзянства	Беларусь
Альма-матар	Інстытут сучасных ведаў імя А. М. Шырокава (1998) гістарычны факультэт БДУ (2005)
Месца працы	Беларуская хатка[d] Інстытут гісторыі НАНБ Літаратурны музей Максіма Багдановіча Беларуская хатка
Прафесійная дзейнасць
Род дзейнасці	паэтка, літаратурная крытык, парадыст
Грамадская дзейнасць
Член у	Саюз беларускіх пісьменнікаў

У Вікіпедыі ёсць артыкулы пра іншых асоб з прозвішчам Барадуля.

Біяграфія

Скончыла школу № 154 у 1994 годзе. У 1998 г. скончыла Інстытут сучасных ведаў па спецыяльнасці «фінансы і крэдыт»^[2].

У 2005 г. завочна скончыла гістарычны факультэт Беларускага дзяржаўнага ўніверсітэта. Працавала ў філіяле музея Максіма Багдановіча «Беларуская хатка», у Інстытуце гісторыі НАН Беларусі. Працуе навуковым супрацоўнікам Дзяржаўнага літаратурнага музея імя Максіма Багдановіча^[2].

Мае 3-ці спартыўны разрад па альпінізму і парашутным спорце^[2].

Замужам. Гадуе двух сыноў.

Творчасць

Вонкавыя відэафайлы
	«Дыяблог P.S.» Госць: Таццяна Барадуля, лірык и парадыст. Беларусь 3, 7 сакавіка 2015г.

Творчы шлях пачынала з вершаў, пасля звярнулася да крытыкі. Піша прозу, часам звяртаецца да жанру пародыі^[3] (пад псеўданімам Тадора Шпілька).

Першая вершаваная публікацыя з’явілася ў 1995 г. у часопісе «Першацвет»^[2]. Падборкі яе вершаў друкаваліся ў часопісах «Маладосць», «Полымя», «Бярозка», газетах «Літаратура і мастацтва», «Чырвоная змена», «Наша ніва» і інш. У 2002 г. у выдавецтве «Беларускі кнігазбор» выйшла яе кніга паэзіі «Дуэль паглядаў». Літаратурна-крытычныя артыкулы і рэцэнзіі неаднаразова друкаваліся ў газеце «Новы час» (дадатак «Літаратурная Беларусь»).

Бібліяграфія

• Будовіч Т. В. Дуэль паглядаў: кніга вершаў. — Мінск: Беларускі кнігазбор, 2002. — 49 с.

Зноскі

1. Барадуля, Таццяна Васільеўна (нявызн.). Нацыянальная бібліятэка Беларусі. Праверана 21 жніўня 2019.(недаступная спасылка)
2. Таццяна Будовіч-Барадуля (нявызн.)(недаступная спасылка). Kamunikat.org. Архівавана з першакрыніцы 21 жніўня 2019. Праверана 21 жніўня 2019.
3. Бадак А.. Таццяна Будовіч-Барадуля. Рытуал (нявызн.). Звязда (29 ліпеня 2017). Праверана 21 жніўня 2019.

Спасылкі

• Будовіч Таццяна // Саюз беларускіх пісьменнікаў: афіцыйны сайт. — Эл. рэсурс: http://www.lit-bel.org/by/friends/b/181.html Архівавана 23 красавіка 2018.
• * Будовіч-Барадуля Таццяна // Творы ў Беларускай Інтэрнэт-бібліятэцы «Камунікат». — Эл. рэсурс: http://kamunikat.org/Budovicz_Tacciana.html