Сумнік звычайны

Су́мнік звычайны^[3] (Solidago virgaurea) — кветкавая расліна з роду Сумнік (Solidago) сямейства Астравыя (Asteraceae).

Сумнік звычайны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Астракветныя Сямейства:  Астравыя Падсямейства:  Астравыя Трыба:  Astereae Род:  Сумнік Від:  Сумнік звычайны
Міжнародная навуковая назва
Solidago virgaurea L., Sp. Pl. 2: 880 (1753)
Сістэматыка на Віківідах Выявы на Вікісховішчы NCBI   462879 EOL   6185350 GRIN   t:34927 IPNI   249947-1 TPL   gcc-44550

Назва

Сумнік звычайны, уплаўнік^[4], табака лясная^[5], перастрэл, стрэльнік^[6], блошкі, грабкі, жаўтакруг, куннік, палятуха, розга, сумнік залацісты, угаднік^[7], сумнік, цыкорыя дзікая^[8].

Батанічнае апісанне

Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Шматгадовая травяністая расліна са сцяблом вышынёй 60—100 см. Сцябло прамастойнае, крыху галінастае, часам чырвона-фіялетавага колеру. Лісце чаргаванае. Прыкаранёвае і ніжняе сцябловае лісце падоўжана-эліпсоіднай формы, завостранае, з крылатым чаранком. Верхняе лісце сядзячае, ланцэтнае. Цвіце ў ліпені — верасні. Кветкі расліны жоўта-залацістага колеру ў шматлікіх дробных кошыках, сабраных у доўгія вузкія мяцёлкі. Плод — сямянка з шурпатым чубком.

Атрутная расліна. У каранях прысутнічае інулін.

Распаўсюджанне і экалогія

Расліна распаўсюджана на тэрыторыі Еўразіі, Паўночнай Амерыкі і Паўночнай Афрыкі. Расце на схілах, у травяністых месцах, лясах, на высечках і ўзлесках.

Лекавая, меданосная і фарбавальная расліна.

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 123. — 160 с. — 2 350 экз.
4. Federowski M. Lud Bialoruski na Rusi litewskiej. Krakow, I, 1897
5. Анненков Н.  (руск.) Ботанический словарь, СПб, 1878.
6. З. Верас Беларуска-польска-расейска-лацінскі ботанічны слоўнік, Выданне газеты «Голас беларуса», Друкарня С. Бэкэра. Вiльня, Субач 2, 1924.
7. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. — Горы-Горкі, 1927.
8. Анненков Н.  (руск.) Ботанический словарь — СПб, 1878.

Літаратура

• Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 324. — 522 с. — 10 000 экз.
• Золотарник // Лесная энциклопедия: В 2-х т. / Гл. ред. Воробьёв Г. И.; Ред. кол.: Анушин Н. А., Атрохин В. Г., Виноградов В. Н. и др. — М.: Сов. энциклопедия, 1985. — Т. 1. — С. 357. — 563 с. (руск.)

Спасылкі

• Сумнік звычайны: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Solidago virgaurea L. // ИАС «ООПТ России» (руск.)