Стадоліцкі сельсавет

Стадо́ліцкі сельсавет — адміністрацыйна-тэрытарыяльная адзінка ў складзе Лельчыцкага раёна Гомельскай вобласці. Цэнтр — аграгарадок (да 2009 г. — вёска) Стадолічы.

Стадоліцкі сельсавет
Краіна	Беларусь
Уваходзіць у	Лельчыцкі раён
Уключае	12 населеных пунктаў
Адміністрацыйны цэнтр	Стадолічы
Дата ўтварэння	20 жніўня 1924
Насельніцтва (2019)	933
Часавы пояс	UTC+03:00
Код аўтам. нумароў	3

Утвораны 20 жніўня 1924 года ў складзе Лельчыцкага раёна Мазырскай акругі БССР. Пасля скасавання акруговай сістэмы 26 ліпеня 1930 года ў Лельчыцкім раёне БССР. З 21 чэрвеня 1935 года ў Лельчыцкім раёне Мазырскай акругі, з 20 лютага 1938 года — Палескай вобласці, з 8 студзеня 1954 года — Гомельскай вобласці. З 25 снежня 1962 года па 6 студзеня 1965 года ў Мазырскім раёне. 12 лістапада 2013 года да сельсавета далучана тэрыторыя скасаванага Грабянёўскага сельсавета (9 населеных пунктаў: вёскі Альховая, Вусаў, Вязавая, Грабяні, Жмурнае, Запясочнае, Кавыжаў, Лохніца, Мяхач)^[1].

Насельніцтва сельсавета паводле перапісу 2009 года (3 населеныя пункты) — 802 чалавекі^[2], з іх 93,8 % — беларусы, 3,5 % — рускія, 1,6 % — украінцы, 0,9 % — палякі^[3]; паводле перапісу 2019 года (12 населеных пунктаў) — 933 чалавекі^[4].

Зноскі

1. Решение Гомельского областного Совета депутатов от 12 ноября 2013 г. № 283 О некоторых вопросах административно-территориального устройства Лельчицкого района Гомельской области Архівавана 21 студзеня 2022.
2. Колькасць насельніцтва населеных пунктаў Гомельскай вобласці Беларусі паводле перапісу 2009 года
3. Этнічны склад насельніцтва сельсаветаў Беларусі паводле перапісу 2009 года
4. Колькасць насельніцтва населеных пунктаў Гомельскай вобласці Беларусі паводле перапісу 2019 года

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.