Свінакроп вясенні

Свінакроп вясенні^[1][2] (Spergula morisonii) — від двухдольных раслін роду Свінакроп (Spergula) сямейства Гваздзіковыя (Caryophyllaceae). Упершыню апісаны французскім батанікам Аляксандрам Баро  (руск.) ў 1847 годзе^[3][4].

Свінакроп вясенні
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Гваздзіковыя Падсямейства:  Параніхіевыя Трыба:  Polycarpeae Род:  Свінакроп Від:  Свінакроп вясенні
Міжнародная навуковая назва
Spergula morisonii Boreau, 1847
Сістэматыка на Віківідах Выявы на Вікісховішчы ITIS   505307 NCBI   1351832 EOL   484678 IPNI   158777-1 TPL   kew-2487622

Распаўсюджанне і асяроддзе пражывання

Свінакроп вясенні ў натуральным асяроддзі

Вядомы з Аўстрыі, Бельгіі, Балгарыі, Чэхіі, Славакіі, Даніі, Фінляндыі, Францыі, Германіі, Нідэрландаў, Іспаніі, Венгрыі, Італіі, Партугаліі, Нарвегіі, Польшчы, Румыніі, Швецыі, краін Балтыі, еўрапейскай часткі Расіі і Алжыра. Занесена ў Вялікабрытанію (Англія) і ЗША (Мэрыленд, Масачусетс, Нью-Джэрсі)^[5].

Расце па пясчаных абочынах дарог, на парушаных месцах на вышыні 10-100 м^[6].

Батанічнае апісанне

Сцябло вышынёй 5-35 см, часта разгалінаванае ў цэнтральнай частцы расліны^[6].

Лісце звычайна плоскае^[6], простае, размешчана супратыўна^[2].

Кветкі з пяццю^[2] яйкападобнымі пялёсткамі^[6].

Плод — каробачка^[2]; насенне лінзападобнае з прыдаткамі ў выглядзе крылцаў ад светла-карычневага да карычнева-чорнага колеру^[6].

Цвіце вясной і ў пачатку лета^[6].

Лік храмасом — 2n=18^[7][6].

Прыродаахоўная сітуацыя

Занесена ў Чырвоную кнігу Эстоніі і Чырвоныя кнігі Калінінградскай вобласці і рэспублікі Карэлія (Расія)^[2].

Сінонімы

• Arenaria pentandra (L.) Wallr. sensu auct.
• Spergula pentandra (Wallr.) Rchb. sensu auct., nom. illeg.
• Spergula pentandra (Boreau) Čelak., 1874
• Spergula pentandra (Boreau) Döll, 1862
• Spergula vernalis Willd., nom. superfl., sensu auct.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 125. — 160 с. — 2 350 экз. — у крыніцы пад назвай Spergula vernalis
2. Свінакроп вясенні: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
3. Свінакроп вясенні: звесткі пра назву таксона на сайце The Plant List (version 1.1, 2013). (англ.)
4. Tropicos | Name — Spergula morisonii Boreau
5. Catalogue of Life : Spergula morisonii Boreau
6. Spergula morisonii in Flora of North America @ efloras.org
7. Tropicos | Name — Spergula morisonii Boreau