Свята-Троіцкая царква (Белавуша)

Свята-Троіцкая царква — праваслаўны храм у гонар Святой Троіцы ў в. Белавуша Столінскага раёна Брэсцкай вобласці.

Праваслаўны храм
Свята-Троіцкая царква
Свята-Троіцкая царква
51°56′22,20″ пн. ш. 26°54′57,21″ у. д.HGЯO
Краіна	Беларусь
Вёска	Белавуша
Канфесія	Беларуская праваслаўная царква
Епархія	Пінская і Лунінецкая епархія
Архітэктурны стыль	неарускі стыль
Архітэктар	В. І. Струеў
Дата пабудовы	1905 год
Статус	Гісторыка-культурная каштоўнасць Беларусі, шыфр 113Г000670шыфр 113Г000670
Медыяфайлы на Вікісховішчы

У паняцця ёсць і іншыя значэнні, гл. Свята-Троіцкая царква.

Гісторыя

Пабудавана ў цэнтры вёскі ў 1905 годзе з дрэва на месцы драўлянага храма 1833 года паводле праекта архітэктара В. І. Струева^[1].

Занесена ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэгіянальнага значэння.

Архітэктура

Інтэр’ер

Помнік архітэктуры неарускага стылю. Мае кананічную чатырохчасткавую падоўжна-восевую кампазіцыю: прытвор-званіца, бабінец, малітоўная зала, апсіда з тарцовай рызніцай. Асноўны магутны кубападобны зруб завершаны васьмігранным светлавым барабанам з гранёным сферычным купалам і макаўкай у завяршэнні. Такія ж макаўкі вянчаюць вальмавы дах прамавугольнай апсіды і высокі шацёр двух’яруснай (васьмярык на высокім чацверыку) званіцы (святар і прыхаджане ў 1891 набылі 20-пудовы звон^[2]). Гарызантальна ашаляваныя сцены расчлянёны прамавугольнымі аконнымі праёмамі ў разных ліштвах, цокальная частка вылучана вертыкальнай шалёўкай. Тры ўваходы вырашаны ганкамі з вастраверхімі навісямі на матыў церамковай старажытнарускай архітэктуры.

У інтэр'еры адкрываецца светлавы барабан, які праз вуглавыя парусы абапіраецца на сцены зруба.

Зноскі

1. Историко-статистическое описание Минской епархии, составленное ректором Минской духовной семинарии архимандритом Николаем. Спб., 1864.
2. Церковные ведомости. 1891. № 2. С. 103.

Літаратура

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.
• Историко-статистическое описание Минской епархии, составленное ректором Минской духовной семинарии архимандритом Николаем. Спб., 1864.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 113Г000670

• Свята-Троіцкая царква (Белавуша) на сайце Праваслаўная архітэктура Беларусі (бел.)
• Свята-Троіцкая царква (Белавуша) на сайце Radzima.org
• Свята-Троіцкая царква (Белавуша) на сайце Глобус Беларусі (руск.)
• Свята-Троіцкая царква (Белавуша) на сайце «Архіварта»