Прастора элементарных падзей

У тэорыі імавернасцей прасторай элементарных падзей ${\displaystyle \Omega }$ называецца мноства ўсіх магчымых зыходаў некаторага выпрабавання. Падмноствы ${\displaystyle \Omega }$ называюцца падзеямі. Аднаэлементныя падмноствы ${\displaystyle \Omega }$ называюцца элементарнымі падзеямі (дзеля спрашчэння элементарныя падзеі атаясамліваюцца з элементамі ${\displaystyle \Omega }$).

Пустое падмноства ${\displaystyle \varnothing }$ называецца немагчымай падзеяй. Падмноства, роўнае самому ${\displaystyle \Omega }$, называецца верагоднай падзеяй^[1]:8.

У выпадку калі прастора элементарных падзей ${\displaystyle \Omega }$ — канечнае мноства^[en], падзеямі з’яўляюцца ўсе ягоныя падмноствы. У агульным выпадку прастора элементарных падзей можа быць бясконцым мноствам^[en], тады падзеямі з’яўляюцца неабавязкова ўсе ягоныя падмноствы, а толькі тыя, што ўваходзяць у некаторую алгебру або σ-алгебру мностваў^[1]:9.

Зноскі

1. Звяровіч Э. І., Радына А. Я. Элементы тэорыі імавернасцей. — Мінск: Беларусь, 2013. — ISBN 978-985-01-1043-5.