Порваская супольнасць

По́рваская супо́льнасць — супольнасць 13 збольшага паўночнаеўрапейскіх англіканскіх і лютэранскіх цэркваў. Утворана ў 1992 падпісаннем Порваскай агульнай дэкларацыі, якая заснавала поўную супольнасць  (англ.)^[1]. Хоць насамрэч дэкларацыя была заключана ў Ярвенпяя (Фінляндыя), аднак назва супольнасці паходзіць ад Порваа, дзе адбываліся супольныя святкаванні з нагоды заключэння святой супольнасці.

Краіны, дзе знаходзяцца цэрквы-ўдзельніцы Порваскай супольнасці. Англіканскія цэрквы падпісаныя ружовым ці фіялетавым, лютэранскія — чырвоным

У 1938 годзе архібіскуп кентэрберыйскі запрасіў прадстаўнікоў Эстонскай лютэранскай царквы і Латвійскай лютэранскай царквы ў Ламбецкі палац, каб дасягнуць «алтарнага і кафедральнага братэрства» між англіканскай і балтыйскімі лютэранскімі цэрквамі. Гэты працэс прыйшоў да фармальнага заключэння з заснаваннем больш шырокай Порваскай супольнасці ў 1992. У яе ўвайшлі англіканскія цэрквы Брытанскіх астравоў і лютэранскія цэрквы паўночнаеўрапейскіх краін. Пазней далучыліся англіканскія цэрквы Іберыйскага паўвострава. Усе гэтыя цэрквы падзяляюць епіскапальную палітыку.

Порваская супольнасць не мае цэнтральнага альбо надгляднага органа. Кожная царква-ўдзельніца мае кантактную асобу, з якіх складаецца кантактная група, што збіраецца штогод. Два біскупы з групы, лютэранскі і англіканскі, ёсць яе самадэратарамі, і такім самым чынам абіраюцца два са-сакратары^[2]. Дзеля абмеркавання пытанняў, датычных усяе Супольнасці, склікаюцца таксама канферэнцыі і сходы^[3].

Удзельнікі

Падпісанты Порваскай дэкларацыі:^[4][5]

1994

• Эстонская евангельская лютэранская царква
• Евангельская лютэранская царква Літвы
• Царква Нарвегіі
• Шатландская епіскапальная царква
• Царква Швецыі

1995

• Царква Англіі
• Евангельская лютэранская царква Фінляндыі
• Царква Ірландыі
• Царква Ісландыі
• Царква ва Уэльсе

2001

• Люзытанская каталіцкая апостальская евангельская царква (Партугалія)
• Іспанская рэфармаваная епіскапская царква

2010

• Царква Дацкага Народа

Цэрквы-назіральніцы:^[6]

• Евангельская лютэранская царква Латвіі (1994)
• Латвійская евангельская царква за мяжой (2010)
• Лютэранская царква Вялікабрытаніі (2010)

Зноскі

1. THE PORVOO COMMON STATEMENT
2. Porvoo Communion (нявызн.). Праверана 18 чэрвеня 2010.
3. Interchange (нявызн.). Праверана 18 чэрвеня 2010.
4. The Porvoo Communion: Anglican Churches (нявызн.). Праверана 3 студзеня 2011.
5. The Porvoo Communion: Lutheran Churches (нявызн.). Праверана 3 студзеня 2011.
6. The Porvoo Communion: Observer Churches (нявызн.). Праверана 3 студзеня 2011.