Падзялёнка

Падзялёнка, радоўка шэрая, плюсы (Tricholoma portentosum) — шапкавы базідыяльны грыб сямейства Радоўкавыя (Tricholomataceae).

Падзялёнка
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Радоўкавыя Род:  Радоўка Від:  Падзялёнка
Міжнародная навуковая назва
Tricholoma portentosum (Fr.) Quél. 1873
Сінонімы
Agaricus portentosus Fr., 1821 Gyrophila portentosa (Fr.) Quél., 1886 Gyrophila sejuncta var. portentosa (Fr.) Quél., 1896 Melanoleuca portentosa (Fr.) Murrill, 1914
Сістэматыка на Віківідах Выявы на Вікісховішчы NCBI   54541 EOL   189094 MB   248886

Апісанне

Пладовае цела грыба — шапка на ножцы. Шапка дыяметрам 3—9 см, пукатая, потым плоская з надтрэснутым прыўзнятым краем, брудна-шэрая, злёгку ліпкая. Мякаць белая або шараватая з мучным пахам і смакам. Пласцінкі прырослыя, шырокія, белыя або жаўтаватыя. Ножка даўжынёй 4—9 см і 1,5—3 см у дыяметры, цыліндрычная, суцэльная, валакністая. Колер ножкі белы, пазней становіцца жаўтаватым або шараватым. Споры амаль круглыя, гладкія, бясколерныя.

Ядомы грыб.

Распаўсюджанне

Пашырана ў Еўропе, на тэрыторыі Беларусі з верасня па кастрычнік трапляецца ў хваёвых лясах (народныя назвы сівуха, плюсы).

Літаратура

• Падзялёнка // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).
• Сержанина Г. И., Змитрович И. И. Макромицеты. Иллюстрированное пособие для биологов (руск.) / Под ред. Н. А. Дорожкина. — Мн.: Вышэйшая школа, 1978. — С. 79. — 192 с. — 60 000 экз.