Майсей Саламонавіч Тэйф

Майсей Саламонавіч Тэйф (4 (17) верасня 1904, Мінск — 23 снежня 1966, Масква) — беларускі паэт, празаік. Пісаў на ідыш.

Майсей Саламонавіч Тэйф
Асабістыя звесткі
Дата нараджэння	17 верасня 1904(1904-09-17)
Месца нараджэння	Мінск, Мінскі павет, Мінская губерня, Расійская імперыя
Дата смерці	23 снежня 1966(1966-12-23) (62 гады)
Месца смерці	Масква, РСФСР, СССР
Грамадзянства	Беларусь
Альма-матар	БДУ
Прафесійная дзейнасць
Род дзейнасці	пісьменнік, паэт

Біяграфія

Скончыў вячэрнюю школу ў Мінску. У 1923 паступіў у БДУ. З 1924 вучыўся на вячэрнім аддзяленні і працаваў на шпалернай фабрыцы. Першыя вершы датаваны 1920; публікавацца пачаў з 1925. У 1928 паступіў на аддзяленне ідышу і яўрэйскай літаратуры Другога Маскоўскага дзяржаўнага ўніверсітэта. Падпрацоўваў начной карэктарскай працай. Пасля сканчэння вучобы ў 1933 вярнуўся ў Мінск. Шмат працаваў; на працягу 1920—30 выдаў 11 кніг; перакладаў на ідыш творы беларускіх і рускіх паэтаў; пісаў драматычныя творы, якія ставіліся на сцэне Яўрэйскага тэатра ў Мінску. Арыштаваны 23.4.1938. Вызвалены перад вайной. У 1941 мабілізаваны; вайну правёў на фронце, старшы сяржант артылерыйскай часці; атрымаў баявыя ўзнагароды. Пасля дэмабілізацыі ў 1945 жыў у Маскве. Зноў арыштаваны ў 1951. Да 1956 знаходзіўся на спецпасяленні ў Варкуце. Пасля рэабілітацыі ў 1956 вярнуўся ў Маскву. З 1961 да 1964 рэдактар аддзела паэзіі час. «Савеціш Геймланд».

Зноскі

Літаратура

• Майсей Саламонавіч Тэйф // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.