Місуры (рака)

У паняцця ёсць і іншыя значэнні, гл. Місуры.

Місуры (англ.: Missouri) — рака ў Паўночнай Амерыцы, галоўны (правы) прыток Місісіпі. Даўжыня 4090 км, плошча басейна 1371,1 тыс. км² (з іх каля 10 тыс. км² у межах Канады). Вытокі і большая частка верхняга цячэння — у Скалістых гарах (у раёне Елаўстонскага нацыянальнага парку). У сярэднім цячэнні (ад вусця р. Мілк да вусця р. Джэймс) рака перасякае плато Місуры, дзе месцамі цячэ ў цяснінах, утварае парогі. Ніжняе цячэнне ў межах Цэнтральных раўнін, дзе рэчышча няўстойлівае, шырокая пойма абвалаваная для аховы ад паводак. Сярэднегадавы расход вады ў вусці 2,6 тыс. м³/сек. Галоўныя прытокі: Елаўстан, Плат, Канзас, Шаен (правыя), Джэймс (левы). Жыўленне у верхнім цячэнні снегавое, у сярэднім і ніжнім — пераважна дажджавое. Высокае веснавое разводдзе (павышэнне ўзроўню вады каля вусця да 12 м) і нізкая летняя межань. Характэрны моцныя паводкі. Цвёрды сцёк 220 млн.т/год; вада брудна-бурага колеру. Сістэма буйных вадасховішчаў (Форт-Пек, Гарысан, Аахэ) на Місуры і ў яе басейне служыць для рэгулявання сцёку, ірыгацыі, энергетыкі.

Місуры
англ. Missouri
Характарыстыка
Даўжыня	3767 км
Басейн	1 371 010 км²
Расход вады	2 250 м³/с
Вадацёк
Выток
• Вышыня	4132 м
• Каардынаты	45°55′39″ пн. ш. 111°30′29″ з. д.HGЯO
Вусце	Місісіпі
• Каардынаты	38°48′49″ пн. ш. 90°07′11″ з. д.HGЯO
Размяшчэнне
Водная сістэма	Місісіпі → Мексіканскі заліў
Краіна	ЗША
— выток, — вусце
Медыяфайлы на Вікісховішчы

Суднаходства да г.Су-Сіці для вялікіх суднаў і да г. Форт-Бентан для малых суднаў у мнагаводны перыяд. Буйныя гарады і порты: Омаха, Канзас-Сіці (Канзас) і Канзас-Сіці (Місуры).

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).