Меліса

Мелі́са^[1][2] (Melissa) — род кветкавых травяністых раслін сямейства Ясноткавыя (Lamiaceae).

Меліса
Меліса лекавая (Melissa officinalis)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Ясноткавыя Падсямейства:  Nepetoideae Трыба:  Мятныя Падтрыба:  Salviinae Род:  Меліса
Міжнародная навуковая назва
Melissa Tourn. ex L.
Сістэматыка на Віківідах Выявы на Вікісховішчы ITIS   32564 NCBI   39170 EOL   71171 GRIN   g:7434 IPNI   21015

У паняцця ёсць і іншыя значэнні, гл. Меліса (значэнні).

Батанічнае апісанне

Шматгадовыя травяністыя расліны з прамастойнымі галінастымі сцёбламі чатырохграннай формы вышынёй 45—125^[3] см. Лісце яйкападобнай формы, простае, супраціўнае, на чаранках. Кветкі дробныя, белага, жаўтаватага, ружовага колеру, сабраныя ў кальчаковыя суквецці ў пазухах лісця. Плод — арэшак.

Распаўсюджанне

Растуць у Афрыцы, Еўропе і Цэнтральнай Азіі. Найбольш распаўсюджаным відам з'яўляецца Меліса лекавая (Melissa officinalis).

Віды

Род налічвае 4^[4] віды.

• Melissa axillaris (Benth.) Bakh.f.
• Melissaflava Benth.
• Melissa officinalis L. — Меліса лекавая, ці Мята лімонная, ці Меліса аптэчная, ці Маліса
• Melissa yunnanensis C.Y.Wu & Y.C.Huang

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 83. — 160 с. — 2 350 экз.
2. Напісанне Меліса, ў адпаведнасці з БЭ ў 18 тамах., Т. 10. — Мн., 2000. — С. 272.
3. Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10.
4. Melissa (англ.) // The Plant List