Марыя Бах

Баранеса Марыя Эмілія фон Бах (ням.: Marie Emilie Freiin von Bach; 11 сакавіка 1896, Вена — 26 лютага 1978, там жа) — аўстрыйская піяністка, скрыпачка, кампазітар і мастачка.

Марыя Бах
Род дзейнасці	кампазітарка, мастачка, піяністка
Дата нараджэння	11 сакавіка 1896(1896-03-11)[1][2][…]
Месца нараджэння	Вена, Аўстра-Венгрыя[3]
Дата смерці	26 лютага 1978(1978-02-26)[4][3] (81 год)
Месца смерці	Вена, Аўстрыя[3]
Месца пахавання	Цэнтральныя могілкі ў Вене[d]
Грамадзянства	Аўстрыя
Альма-матар	Венскі ўніверсітэт музыкі і выканальніцкага мастацтва (1925)
Медыяфайлы на Вікісховішчы

Біяграфія

Марыя нарадзілася ў музычнай сям’і: яе бацька, Роберт Банавентура Майкл Венцэль фон Бах, быў адвакатам, але таксама займаўся музыкай і жывапісам, маці, Элеанора Жазефа Марыя Тэрэзія Агюст Бах, была спявачкай і кампазітарам. У 1897 годзе сям’я пераехала ў Бадэн. Дзяўчынка пачала займацца музыкай ва ўзросце пяці гадоў з прыватным педагогам, адначасова вучылася ігры на скрыпцы і на фартэпіяна [6]. Была другой скрыпкай у хатнім аркестры свайго бацькі. Скончыла музычную школу як піяністка, З 1919 па 1925 год вучылася ў Венскай акадэміі музыкі, дзе яе настаўнікамі былі Ёзеф Маркс (кампазіцыя), Паўль дэ Конэ (фартэпіяна) і Іван Бутнікаў (дырыжыраванне).

Манера Марыі Бах сфармавалася пад уплывам позніх рамантыкаў, Мусаргскага, Скрабіна і Стравінскага. У 1921 годзе яна дэбютавала як кампазітар з цыклам «Блазанаўскія песні» (ням. Narrenlieder) для тэнара і аркестра. У 1920-30-я гады ёю былі напісаны фартэпіянны квартэт, фартэпіянны квінтэт, саната для віяланчэлі і фартэпіяна, іншая камерная і вакальная музыка.

У 1952 годзе выйшла замуж за італьянскага мастака Артура Ч’ячэлі і неўзабаве таксама пачала займацца жывапісам, пераважна пейзажным. Пасля таго як пачала выстаўляцца, атрымала прызнанне нават большае, чым як музыкант.

Памерла 26 лютага 1978 года, атруціўшыся з-за ўцечкі бытавога газу.

Зноскі

1. https://www.geschichtewiki.wien.gv.at/Maria_Bach Праверана 13 снежня 2021.
2. https://www.klassika.info/Komponisten/Bach_Maria/lebenslauf_1.html Праверана 13 снежня 2021.
3. Marx E. Bach Maria // 210 österreichische Komponistinnen vom 16. Jahrhundert bis zur Gegenwart: Biographie, Werk und Bibliographie — Salzburg, Wien, F: Residenz Verlag, 2001. — S. 50–56. — ISBN 978-3-7017-1215-1

   <a href='https://wikidata.org/wiki/Track:Q1741'></a><a href='https://wikidata.org/wiki/Track:Q2145655'></a><a href='https://wikidata.org/wiki/Track:Q111343361'></a><a href='https://wikidata.org/wiki/Track:Q111343714'></a><a href='https://wikidata.org/wiki/Track:Q34713'></a><a href='https://wikidata.org/wiki/Track:Q1794'></a>
4. Maria Bach // FemBio database Праверана 9 кастрычніка 2017.

   <a href='https://wikidata.org/wiki/Track:Q61356138'></a>