Леў Барысавіч Алімаў

Леў Барысавіч Алімаў (нар. 26 лістапада 1945, Брэст) — беларускі мастак-графік, кніжны ілюстратар.

Леў Барысавіч Алімаў
На адкрыцці Біенале беларускага выяўленчага мастацтва 27 лістапада 2014 г.
Дата нараджэння	26 лістапада 1945(1945-11-26) (78 гадоў)
Месца нараджэння	Брэст, Брэсцкая вобласць, БССР, СССР
Род дзейнасці	мастак
Жанр	кніжная графіка
Вучоба	Маскоўскае дзяржаўнае акадэмічнае мастацкае вучылішча памяці 1905 года[d]
Член у	Саюз мастакоў БССР
Узнагароды	За заслугі ў выяўленчым мастацтве[d]
Медыяфайлы на Вікісховішчы

Біяграфія

Нарадзіўся 26 лістапада 1945 года ў г. Брэсце (Беларусь). Скончыў у 1970 годзе Маскоўскае мастацкае вучылішча памяці 1905 года^[ru]. Удзельнік мастацкіх выставак з 1970 года^[1].

Член Беларускага саюза мастакоў з 1989 года. Жыве ў г. Брэсце^[1].

Творчасць

Працуе ў станковай і кніжнай графіцы^[1].

Асноўныя творы: лісты «Старая яблыня», «Карані», «Спелы плод», «Новы Вавілон», ілюстрацыі да зборніка паэзіі «Прыбліжэнне» А. Каско^[1].

Творы знаходзяцца ў музеі «Кніга» (Масква), Калінінградскай мастацкай галерэі^[ru], музеі «Мальбарк» (Польшча), Палацы Нацый ААН (Жэнева), «Бэнксайд галеры^[en]» (Лондан), мастацкім музеі штата Місуры^[ru] (ЗША), Файн Арт-цэнтры (ЗША), «Талер Галерэя Форт» (Іспанія), Музеі гравюры ў Маастрыхце (Нідэрланды), Экслібрыс-цэнтры ў Нансі (Францыя), музеі ўніверсітэта Тамэ (Японія)^[1].

Удзельнік больш за 100 міжнародных конкурсных выставак графічнага мастацтва ў Бельгіі, Балгарыі, Вялікабрытаніі, Германіі, Іспаніі, Італіі, Нідэрландах, Польшчы, Расіі, ЗША, на Украіне, у Францыі, у Швецыі, Швейцарыі, Японіі, Эстоніі, Літве, Нарвегіі, Бразіліі. Лаўрэат міжнародных конкурсных выставак графічнага мастацтва. Правёў 6 персанальных выставак у Беларусі, Расіі, Германіі і ЗША.

Узнагароды

Акадэмік графікі Беларускай акадэміі выяўленчых мастацтваў (1995). Узнагароджаны медалём БСМ «За заслугі ў выяўленчым мастацтве» і медалём Францыска Скарыны (2009).

Міжнародны біяграфічны цэнтр (г. Кембрыдж, Вялікабрытанія) назваў Алімава «Чалавекам года», узнагародзіўшы медалём «За дасягненні ў XX стагоддзі».

8 кастрычніка 2015 года Льву Алімаву было прысвоена ганаровае званне Заслужаны дзеяч мастацтваў Рэспублікі Беларусь^[2].

• 
  Валерый Славук і Леў Алімаў у дзень атрымання ганаровых званняў Заслужаных дзеячаў мастацтва Беларусі. 8 кастрычніка 2015 года, «Восеньскі салон» з Белгазпрамбанкам
• 
  Палац мастацтва, 8 кастрычніка 2015 года, «Восеньскі салон» з Белгазпрамбанкам

Зноскі

1. Алімаў Леў Барысавіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішерс», 1998. — 663 с. — 3 000 экз. — ISBN 985-6427-09-6.
2. Почетное звание «Заслуженный деятель искусств Республики Беларусь» присвоено белорусскому художнику-графику Льву Алимову (руск.)

Літаратура

• Алімаў Леў Барысавіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішерс», 1998. — 663 с. — 3 000 экз. — ISBN 985-6427-09-6.

Спасылкі

• На Вікісховішчы ёсць медыяфайлы па тэме Леў Барысавіч Алімаў