Каталікі-традыцыяналісты

Каталікі-традыцыяналісты — асобныя кансерватыўныя прадстаўнікі Рымска-каталіцкай царквы, а таксама рэлігійныя групы, якія стаяць на пазіцыях фундаментальнага каталіцтва, не прызнаюць літургічныя рэформы і шматлікія іншыя новаўвядзенні Другога Ватыканскага сабору.

Падзяляюцца на некалькі груп:

• Седэвакантысты — не прызнаюць Рымскіх Пап пасля Пія XII, і з'яўляюцца сектамі (у арганізацыйным сэнсе), якія не прызнаюць адна адну.
• Святарскае брацтва Св. Пія X — прыхільнікі архібіскупа Марселя Лефеўра, якія шануюць Рымскіх Пап, аднак адмаўляюцца падпарадкавацца ім адміністрацыйна.
• Каталікі-традыцыяналісты, якія падтрымліваюць зносіны з Рымам, але ў літургічным жыцці выкарыстоўваюць чын Трыдэнцкай імшы (напрыклад, Брацтва Святога Пятра).

Сярод кардыналаў прыхільнікам і спачуваючым каталікам-традыцыяналістам з'яўляўся нябожчык аўстрыйскі кардынал Альфонс Штыклер.

Гл. таксама

• Una Voce
• Лефеўрысты
• Інстытут Хрыста Цара і Архірэя