Дом рамесніка (Нясвіж)

Дом рамесніка таксама Гданьскі дом, Дом на рынку — помнік архітэктуры барока ў Нясвіжы, узор мураванага жылога дома пачатку XVIII ст.

Жылы дом
Дом рамесніка
53°13′08,28″ пн. ш. 26°40′47,80″ у. д.HGЯO
Краіна	Беларусь
Горад	Нясвіж
Архітэктурны стыль	барока
Дата пабудовы	1721 год
Статус	Гісторыка-культурная каштоўнасць Беларусі, шыфр 611Г000479шыфр 611Г000479
Медыяфайлы на Вікісховішчы

Гісторыя

Будынак ўведзены ў 1721 г. на Рыначнай плошчы горада. Нягледзячы на шырока вядомую назву "Дом рамесніка", пэўна не вядома, хто быў яго ўладальнікам. Думаюць, што гэта быў дастаткова заможны мешчанін. На першым паверсе размяшчаліся складскія памяшканні і крамы, на другім — жылыя пакоі. У XIX ст. з боку двара прыбудавана памяшканне. У 1990-я гг. будынак рэканструяваны пад бібліятэку.

Архітэктура

Двухпавярховы прамавугольны ў плане будынак з паўпадвалам. Першы паверх мураваны, другі з драўляных канструкцый. Першапачаткова ўваходзіў у ансамбль забудовы Рыначнай плошчы. Галоўны тарцовы фасад выходзіць на лінію забудовы вуліцы і вырашаны адзіным фігурным барочным шчытом, які закрывае больш вузкі паверх з двухсхільным дахам, з прамавугольнымі аконнымі праёмамі размешчанымі сіметрычна цэнтральнай восі. У цэнтры фасада галоўны ўваход, над якім размешчаны балкон з ажурнай металічнай літой агароджай. Невялікі арачны праём і дзве маленькія нішы ў завяршэнні фасаднага шчыта аздоблены ляпнінай і дэкаратыўнымі ліштвамі. Фігурны абрыс шчыта падкрэслены тонкім прафіляваным карнізам. Уваход на другі паверх з боку дваровага фасада.

Літаратура

• Памяць: Гіст.-дакум. хроніка Нясвіжскага р-на. — Мн.: БелЭн, 2001. — 628, [1] с. — ISBN 985-11-0206-7.
• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 611Г000479

• Дом рамесніка (Нясвіж) на сайце Radzima.org
• Дом рамесніка (Нясвіж) на сайце Глобус Беларусі (руск.)