Дзяржаўны мытны камітэт Рэспублікі Беларусь

Дзяржаўны мытны камітэт Рэспублікі Беларусь (ДМК) — рэспубліканскі орган дзяржаўнага кіравання, які праводзіць дзяржаўную мытную палітыку, забяспечвае ў межах сваёй кампетэнцыі эканамічную бяспеку Рэспублікі Беларусь, ажыццяўляе рэгуляванне і кіраванне ў сферы мытнай справы і каардынуе ў гэтай сферы дзейнасць іншых рэспубліканскіх органаў дзяржаўнага кіравання і іншых арганізацый.

Дзяржаўны мытны камітэт Рэспублікі Беларусь
скарочана — ДМК РБ
Геральдычны знак — эмблема Дзяржаўнага пагранічнага камітэта Рэспублікі Беларусь
Агульная інфармацыя
Краіна	Рэспубліка Беларусь
Дата стварэння	20 верасня 1991
Папярэдняе ведамства	Мытны камітэт СССР
Кіраўніцтва дзейнасцю ажыццяўляе	Прэзідэнт Рэспублікі Беларусь Савет Міністраў Рэспублікі Беларусь
Штаб-кватэра	220007, Мінск, вул. Магілёўская, д. 45/1
Старшыня	Уладзімір Арлоўскі
Сайт	customs.gov.by

ДМК падпарадкоўваецца Савету Міністраў Рэспублікі Беларусь, а па асобных пытаннях дзейнасці, прадугледжаных заканадаўчымі актамі, — Прэзідэнту Рэспублікі Беларусь.

Гісторыя

20 верасня 1991 года Парламент Рэспублікі Беларусь прыняў пастанову «Аб мытнай службе Рэспублікі Беларусь»^[1] і стварыў Дзяржаўны мытны камітэт Рэспублікі Беларусь з падначаленнем яму мытных устаноў СССР, размешчаных на тэрыторыі рэспублікі. У выніку была створана адзіная мытная сістэма, якая ўключала ДМК і мытні.

На май 1993 года ў Беларусі было 20 мытняў. Гэта была найбольшая колькасць мытняў за ўвесь найноўшы перыяд гісторыі Беларусі.

З 1 ліпеня 1993 года Пастановай Вярхоўнага Савета Рэспублікі Беларусь быў уведзены ў дзеянне першы Мытны кодэкс незалежнай Беларусі.

Поспехі мытнікаў былі ацэненыя кіраўніцтвам краіны. У адзначэнне заслуг 20 верасня 1996 года выйшаў Указ Прэзідэнта Рэспублікі Беларусь «Аб устанаўленні свята — Дня мытніка».

У снежні 1997 года Нацыянальным сходам быў прыняты і ўхвалены і 17 ліпеня 1998 года ўведзены ў дзеянне другі Мытны кодэкс Рэспублікі Беларусь, аднак ужо ў 2007 годзе была прынята новая, трэцяя рэдакцыя коджкса, якая страціла сілу з прыняццем Закона «Аб мытным рэгуляванні ў Рэспубліцы Беларусь» 2014 года.

Структура

У склад ДМК ўваходзяць:

• Цэнтральны апарат у г. Мінску
  • Упраўленне арганізацыі мытнага кантролю
  • Упраўленне арганізацыі барацьбы з кантрабандай і адміністрацыйнымі мытнымі правапарушэннямі
  • Упраўленне развіцця мытнай інфраструктуры
  • Упраўленне інфармацыйных тэхналогій, мытнай статыстыкі і аналізу
  • Упраўленне арганізацыйна-кадравай і ідэалагічнай работы
  • Фінансава-эканамічнае упраўленне
  • Упраўленне тарыфнага рэгулявання і мытных плацяжоў
  • Прававое упраўленне
  • Упраўленне ўласнай бяспекі
  • Упраўленне арганізацыі постмытнага кантролю
  • Кантрольна-рэвізійны аддзел
  • Арганізацыйна-аналітычнае упраўленне
  • Група па абароне дзяржаўных сакрэтаў
  • Упраўленне аналізу рызык і аператыўнага кантролю
• Мытні:
  • Брэсцкая мытня
  • Віцебская мытня
  • Гомельская мытня
  • Гродзенская рэгіянальная мытня
  • Мінская рэгіянальная мытня
  • Мінская цэнтральная мытня
  • Мытня «Мінск-2»
  • Магілёўская мытня
  • Ашмянская мытня
• Установа адукацыі «Дзяржаўны інстытут павышэння кваліфікацыі і перападрыхтоўкі кадраў мытных органаў Рэспублікі Беларусь» і рэспубліканскае унітарнае прадпрыемства «Белмытнясэрвіс»

Задачы

Асноўнымі задачамі Дзяржаўнага мытнага камітэта з’яўляюцца:

• Правядзенне дзяржаўнай мытнай палітыкі, ажыццяўленне рэгулявання і кіравання ў сферы мытнай справы і каардынацыя ў гэтай сферы дзейнасці іншых рэспубліканскіх органаў дзяржаўнага кіравання і іншых арганізацый;
• Забеспячэнне ў межах сваёй кампетэнцыі эканамічнай бяспекі Рэспублікі Беларусь, абарона яе эканамічных інтарэсаў;
• Распрацоўка і прымяненне сродкаў мытнага рэгулявання ў мэтах развіцця гандлёва-эканамічных адносін Рэспублікі Беларусь;
• Арганізацыя і ўдасканаленне мытнага кантролю і мытнага афармлення, стварэнне ўмоў, якія садзейнічаюць паскарэнню тавараабароту праз мытную граніцу Рэспублікі Беларусь, развіццю знешнеэканамічнай дзейнасці арганізацый і грамадзян, забеспячэнне рэалізацыі гэтых мер;
• Папярэджанне і спыненне кантрабанды, іншых злачынстваў, адміністрацыйных правапарушэнняў у сферы мытнай справы;
• Забеспячэнне выканання міжнародных абавязацельстваў Рэспублікі Беларусь у частцы, якая тычыцца мытнага справы.

Функцыі

Мытныя органы Рэспублікі Беларусь выконваюць наступныя асноўныя функцыі:

• Ажыццяўляюць мытнае афармленне і мытны кантроль, ствараюць умовы, якія спрыяюць паскарэнню тавараабароту праз мытную мяжу;
• Спаганяюць мытныя плацяжы, кантралююць правільнасць іх налічэння і своечасовасць выплаты, прымаюць меры па прымусовым спагнанні мытных плацяжоў;
• Забяспечваюць захаванне парадку перамяшчэння тавараў праз мытную мяжу;
• Ажыццяўляюць кантроль за выкананнем забаронаў і абмежаванняў на ўвоз тавараў у Рэспубліку Беларусь і іх вываз з Рэспублікі Беларусь, устаноўленых заканадаўствам і (або) міжнароднымі дамовамі Рэспублікі Беларусь па падставах эканамічнага і неэканамічнага характару;
• Забяспечваюць у межах сваёй кампетэнцыі абарону правоў інтэлектуальнай уласнасці;
• Вядуць барацьбу з кантрабандай і іншымі злачынствамі, адміністрацыйнымі правапарушэннямі, вытворчасць па справах аб якіх аднесена да кампетэнцыі мытных органаў, спыняюць незаконны абарот праз мытную мяжу наркатычных сродкаў, зброі, культурных каштоўнасцяў, радыёактыўных рэчываў, відаў жывёл і раслін, якія знаходзяцца пад пагрозай знікнення, іх частак і дэрыватаў, аб’ектаў інтэлектуальнай уласнасці, іншых тавараў, а таксама аказваюць садзейнічанне ў барацьбе з міжнародным тэрарызмам і спыненні незаконнага ўмяшання ў аэрапортах Рэспублікі Беларусь у дзейнасць міжнароднай грамадзянскай авіяцыі;
• Ажыццяўляюць у межах сваёй кампетэнцыі падатковы, валютны, экспартны і іншыя віды кантролю, права на ажыццяўленне якіх або на ўдзел у ажыццяўленні якіх прадастаўлена мытным органам у адпаведнасці з заканадаўствам;
• Вядуць мытную статыстыку знешняга гандлю Рэспублікі Беларусь і спецыяльную мытную статыстыку;
• Забяспечваюць выкананне міжнародных абавязацельстваў Рэспублікі Беларусь у частцы, якія тычацца мытнай справы, ажыццяўляюць супрацоўніцтва з мытнымі і іншымі кампетэнтнымі органамі замежных дзяржаў, міжнароднымі арганізацыямі, якія займаюцца пытаннямі мытнай справы;
• Ажыццяўляюць інфармаванне і кансультаванне па пытаннях мытнага рэгулявання і іншых пытаннях, якія ўваходзяць у кампетэнцыю мытных органаў, забяспечваюць ва ўстаноўленым парадку дзяржаўныя органы, арганізацыі і грамадзян інфармацыяй па мытных пытаннях;
• Ажыццяўляюць падрыхтоўку, перападрыхтоўку і павышэнне кваліфікацыі службовых асоб мытных органаў;
• Праводзяць навукова-даследчыя работы ў галіне мытнай справы.

Старшыні

• Пётр Васільевіч Крэчка (в. а. 11 лістапада 1991 — 16 студзеня 1992)
• Генадзь Міхайлавіч Шкурдзь (16 студзеня 1992 — 30 студзеня 1994)
• Пётр Васільевіч Крэчка (29 жніўня 1994 — 30 ліпеня 1997)
• Вікенцій Вікенцьевіч Макарэвіч (в. а. 30 ліпеня 1997 — 13 сакавіка 1998; 13 сакавіка 1998 — 1 лістапада 2001)
• Аляксандр Францавіч Шпілеўскі (24 верасня 2001 — 6 лістапада 2014)
• Юрый Аляксеевіч Сянько (6 лістапада 2014^[2] — 19 лістапада 2020)
• Уладзімір Мікалаевіч Арлоўскі (з 21 снежня 2020)

Крыніцы

1. Пастанова Вярхоўнага Савета Рэспублікі Беларусь ад 20 верасня 1991 № 1101-XII «Аб мытнай службе Рэспублікі Беларусь»
2. Юрый Сянько прызначаны старшынёй Дзяржаўнага мытнага камітэта Беларусі(недаступная спасылка)

Спасылкі

• Дзяржаўны мытны камітэт Рэспублікі Беларусь Архівавана 5 студзеня 2009.
• Указ Прэзідэнта Рэспублікі Беларусь ад 21 красавіка 2008 г. № 228 «Аб некаторых пытаннях мытных органаў» (руск.)