Дзмітрый Аляксандравіч Алісейка

Дзмітрый Алісейка (нар. 28 жніўня 1992, Бабруйск) — беларускі футбаліст, абаронца магілёўскага «Дняпра».

Хуткія факты Дзмітрый Алісейка, Поўнае імя ...

Дзмітрый Алісейка

Поўнае імя

Дзмітрый Аляксандравіч Алісейка

Нарадзіўся

28 жніўня 1992^[1]^[2] (32 гады)

Бабруйск, Магілёўская вобласць, Беларусь

Грамадзянства

Беларусь

Рост

179 см

Вага

75 кг^[3]

Пазіцыя

абаронца

Інфармацыя пра клуб

Клуб

Дняпро

Нумар

Клубная кар’ера^{[* 1]}

2007—2012	Дынама (Мінск)	0 (0)
2011	→ Дынама-2 (Мінск)	7 (0)
2012	→ Тарпеда-БелАЗ (Жодзіна)	1 (0)
2013—2014	Нёман (Гродна)	15 (0)
2014	→ Слуцк	27 (5)
2015—2016	Слуцк	49 (3)
2017	Дынама (Брэст)	19 (2)
2018	Іслач (Мінскі раён)	21 (0)
2019	Хімкі	14 (0)
2019	→ Хімкі-М	1 (0)
2019—2020	Тарпеда-БелАЗ (Жодзіна)	16 (0)
2021	Мінск	18 (2)
2022—2023	Астравец	52 (8)
2024—	Дняпро (Магілёў)

Нацыянальная зборная^{[* 2]}

2008—2009	Беларусь (да 17)	6 (1)
2009—2011	Беларусь (да 19)	4 (0)
2012	Беларусь (да 21)	3 (0)
2017	Беларусь	4 (0)

[* 1]
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 26 студзеня 2024.
[* 2]
Колькасць гульняў і галоў за нацыянальную зборную ў афіцыйных матчах, адкарэктавана станам на 4 верасня 2017

Закрыць

Выхаванец бабруйскай СДЮШАР-5, доўгі час выступаў за дубль мінскага «Дынама», але так і не дэбютаваў у аснове. Сезон 2012 правёў у арэндзе ў жодзінскім «Тарпеда-БелАЗ». Гуляў за дубль, за асноўную каманду правёў толькі 1 матч.

У сакавіку 2013 года перайшоў у гродзенскі «Нёман»^[4]. У гродзенскім клубе стаў часцей з’яўляцца на полі, хоць звычайна выхадзіў толькі ў канцы матча.

У сакавіку 2014 года быў аддадзены ў арэнду ў «Слуцк»^[5]. Спачатку знаходзіўся на лаўцы запасных, але неўзабаве замацаваўся ў асноўным складзе слуцкага клуба на пазіцыі правага абаронцы. Праявіў сябе як выдатны выканаўца штрафных удараў, з якіх забіў 4 мячы ў сезоне 2014.

У снежні 2014 года быў выкуплены слуцкім клубам у «Нёмана» і заключыў са «Слуцкам» кантракт на два гады^[6]. На працягу двух гадоў заставаўся асноўным іграком случан. У снежні 2016 года пакінуў слуцкі клуб^[7].

Неўзабаве пасля зыходу са «Слуцка» падпісаў трохгадовы кантракт з брэсцкім «Дынама»^[8]. У першай палове сезона 2017 быў асноўным правым абаронцам каманды, пасля стаў чаргавацца ў складзе з Алегам Верацілам. У студзені 2018 года па пагадненні бакоў разарваў кантракт з «Дынама»^[9].

Пасля зыходу ў брэсцкага клуба стаў трэніравацца разам з «Іслаччу», і ў лютым 2018 года падпісаў кантракт^[10]. Звычайна выхадзіў у стартавым складзе каманды, аднак часам заставаўся на лаўцы запасных. У студзені 2019 года па заканчэнні кантракта пакінуў «Іслач»^[11] і неўзабаве стаў іграком расійскага клуба «Хімкі»^[12]. У сезоне 2018/19 трывала з’яўляўся ў стартавым складзе расійскай каманды, аднак у пачатку сезона 2019/20 страціў месца ў аснове.

У жніўні 2019 года разарваў кантракт з «Хімкамі»^[13] і ў хуткім часе стаў іграком жодзінскага «Тарпеда-БелАЗ»^[14]. У 2019 годзе трывала з’яўляўся ў стартавым складзе жодзінцаў, а ў сезоне 2020 пераважна заставаўся на лаўцы запасных. У студзені 2021 года па заканчэнні кантракта пакінуў «Тарпеда-БелАЗ»^[15].

У студзені 2021 года стаў трэніравацца з «Мінскам» і ў лютым падпісаў пагадненне з клубам^[16]. Спачатку трывала гуляў у стартавым складзе каманды, але са жніўня амаль перестаў з’язляцца на полі. У снежні 2021 года па заканчэнні кантракта пакінуў сталічны клуб^[17].

У пачатку 2022 года некоторы час трэніраваўся з «Тарпеда-БелАЗ», а ў сакавіку стаў іграком «Астраўца»^[18], дзе пастаянна гуляў у стартавым складзе. У снежні 2022 года па пагадненні бакоў пакінуў «Астравец»^[19], аднак у пачатку 2023 года зноў пачаў трэніравацца з камандай і ў сакавіку падоўжыў пагадненне з клубам^[20]. У студзені 2024 года пакінуў «Астравец»^[21] і адправіўся на прагляд у магілёўскі «Дняпро», з якім неўзабаве падпісаў кантракт^[22].

Дзмітрый Аляксандравіч Алісейка

Клубная кар’ера

Міжнародная кар’ера

Дасягненні

Статыстыка выступленняў

Крыніцы

Спасылкі

Wikiwand - on