Джэймс Белушы

Джэймс Адам «Джым» Белу́шы (англ.: James Adam «Jim» Belushi; 15 чэрвеня 1954 года, Чыкага, ЗША) — амерыканскі акцёр, камедыянт, спявак і музыка^[5]. Вядомы, дзякуючы галоўнай ролі ў сіткаме «Як сказаў Джым», а таксама шэрагу фільмаў як то «Чырвоная спякота», «Містэр Лёс», «Як атрымаць поспех у справах», «Кучараўка Сью» і іншых. З'яўляецца малодшым братам іншага камедыянта Джона Белушы і ёсць бацькам акцёра Роберта Белушы.

Джэймс Белушы
англ.: James Belushi
Дата нараджэння	15 чэрвеня 1954(1954-06-15)[1][2][…] (70 гадоў)
Месца нараджэння	Wheaton[d], Ду-Пейдж[d], Ілінойс, ЗША[3]
Грамадзянства	ЗША  Албанія[4]
Бацька	Adam Anastos Belushi[d]
Маці	Agnes Demetri Samaras[d]
Жонка	Marjorie Bransfield[d] і Jennifer Sloan[d]
Дзеці	Robert Belushi[d], Jamison Belushi[d] і Jared Belushi[d]
Адукацыя	Універсітэт Паўднёвага Ілінойса College of DuPage[d] Wheaton Warrenville South High School[d]
Прафесія	акцёр, тэлеакцёр, кінаакцёр, спявак, кампазітар, комік, акцёр агучвання, сцэнарыст, кінапрадзюсар
IMDb	ID 0000902
Медыяфайлы на Вікісховішчы

Біяграфія

Белушы нарадзіўся 15 чэрвеня 1954 года ў Чыкага ў сям’і эмігрантаў з Албаніі. Акрамя старэйшага брата, акцёра Джона, Джэймс таксама мае старэйшую сястру Мэрыян і малодшага брата Білі^[6]. Па заканчэнні школы ў прадмесці Чыкага Джэймс паступіў у каледж Дзюпэйдж, а затым на тэатральны факультэт універсітэта Паўднёвага Ілінойса ў Карбондэйле. З 1977 па 1980 гады Белуші, як і яго старэйшы брат Джон Белушы, працаваў з чыкагаўскай тэатральнай групай «Другі горад». У гэты ж час Джэймс дэбютаваў на тэлівізіі, з'явіўшыся ў сіткаме «Кто сочыць за дзецьмі» у 1978 годзе. Першай яго значнай роллю стала роля ў фільме «Злодзей» Майкла Мана ў 1981 годзе. Пасля смерці старэйшага брата Джона з 1983 па 1985 гады ён з'яўляўся ў перадачы «Суботамі вечарам у жывым эфіры».

Аднак, Белушы атрымаў большую вядомасць дзякуючы другім ролям у фільмах «Чалавек з адным чырвоным чаравіком» (1985), «Пра мінулую ноч...», «Сальвадор» і «Крама жахаў» (усе 1986), якія адкрылі перад Джэймсам запрашэнні да іншых галоўных роляў. Ён здымаўся ў фільмах «Рэальныя мужчыны», «Чырвоная спякота», «Гамер і Эдзі», «К-9», «Як атрымаць поспех у справах», «Містэр Лёс», «Зразумее толькі самотны», «Кучараўка Сью» і іншых. Пасля таксама займаўся агучкай перанажаў у мультыплікацыйных фільмах. У 2001 годзе быў запушчына папулярны сіткам «Як сказаў Джым» тэлеканала ABC, дзе Джэймс сыграў галоўную ролю.

У 2003 годзе Белушы і Дэн Экрайд выпусцілі музычны альбом «Have Love, Will Travel» і ўдзельнічалі ў турнэ ў падтрымку альбома. У жніўні 2020 года Белушы распачаў здымку серыяла пра сваё жыццё на сваім маёнтку ў Арэгоне, дзе ён вырошчвае каноплю^[7].

Зноскі

1. James Belushi // Internet Broadway Database — 2000. Праверана 9 кастрычніка 2017.

   <a href='https://wikidata.org/wiki/Track:Q31964'></a>
2. Jim Belushi // Internet Broadway Database — 2000. Праверана 9 кастрычніка 2017.

   <a href='https://wikidata.org/wiki/Track:Q31964'></a>
3. Deutsche Nationalbibliothek Record #141041579 // Агульны нарматыўны кантроль — 2012—2016. Праверана 11 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
4. http://www.digitaljournal.com/article/281622
5. Jim Belushi. TVGuide.com.
6. «Close-Up of John Belushi». The New York Times.
7. Growing Belushi. Discovery Channel.

Спасылкі

• Джэймс Белушы на сайце «Internet Movie Database» (англ.)
• Джэймс Белушы на сайце AllMovie.