Віктар Паўлавіч Бура

Ві́ктар Па́ўлавіч Бу́ра (нар. 1953, Пястова, Наўгародская вобласць, РСФСР) — беларускі дзяржаўны дзеяч, намеснік прэм’ер-міністра Беларусі (2006—2010).

Віктар Паўлавіч Бура
Надзвычайны і Паўнамоцны Пасол Рэспублікі Беларусь у Кітайскай Народнай Рэспубліцы і Манголіі 30 чэрвеня 2011 — 12 ліпеня 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч
Папярэднік	Анатоль Тозік
Пераемнік	Кірыл Руды
Намеснік прэм’ер-міністра Рэспублікі Беларусь 5 мая 2006 — 28 снежня 2010
Кіраўнік урада	Сяргей Сідорскі
Нараджэнне	1953 Пястова, Пястоўскае гарадское пасяленне[d], Пястоўскі раён, Наўгародская вобласць, РСФСР, СССР
Адукацыя	БНТУ

Біяграфія

Скончыў факультэт прамысловага і грамадскага будаўніцтва Беларускага політэхнічнага інстытута (1975).

• 1975—1976 — на вайсковай службе.
• 1976—1977 — начальнік будаўнічага спецыялізаванага ўчастку в/ч 59214 (г. Пячора, Комі АССР).
• 1977—1980 — кіруючы інжынер, загадчык групы, намеснік загадчыка аддзела КТБ ВТА «Прамбудсістэма».
• 1980—1986 — інструктар, загадчык прамыслова-транспартнага аддзела Кастрычніцкага райкама КПБ горада Мінска.
• 1986—1998 — намеснік дырэктара па капітальным будаўніцтве, потым намеснік дырэктара па будаўніцтве і развіцці заводу паўправадніковых прыбораў імя Ф. Э. Дзяржынскага (цяпер НВА «Інтэграл»).
• 1998—2000 — першы намеснік кіраўніка адміністрацыі Кастрычніцкага раёна г. Мінска.
• 2000—2004 — кіраўнік адміністрацыі Кастрычніцкага раёна г. Мінска.
• 2004—2006 — намеснік старшыні Мінскага гарвыканкама.
• 2006—2010 — намеснік прэм’ер-міністра Беларусі адначасова з прысваеннем вышэйшага класу дзяржаўнага служачага^[1].
• з 30 чэрвеня 2011 — Надзвычайны і Паўнамоцны Пасол Рэспублікі Беларусь у Кітайскай Народнай Рэспубліцы і Манголіі па сумяшчальніцтве^[2].

Узнагароды

Узнагароджаны Падзякай прэзідэнта Рэспублікі Беларусь, Ганаровай граматай Савета Міністраў Рэспублікі Беларусь.

Сям’я

Жанаты. Мае сына і дачку.

Крыніцы

1. Указ Прэзідэнта Рэспублікі Беларусь № 290 «Аб назначэнні членаў Урада Рэспублікі Беларусь» (нявызн.). Афіцыйна. «Звязда» (9 верасня 2010).(недаступная спасылка)
2. Указ Президента Республики Беларусь от 30 июня 2011 г. № 292 «О назначении В. П. Бури» (руск.)

Спасылкі

• Старонка на праекце «Хто ёсць хто ў Рэспубліцы Беларусь» Архівавана 6 снежня 2010. (руск.)
• Біяграфія на сайце Савета Міністраў Рэспублікі Беларусь Архівавана 20 жніўня 2009. (руск.)