Ворань (возера, Мёрскі раён)

У паняцця ёсць і іншыя значэнні, гл. Ворань.

Ворань — возера ў Мёрскім раёне Віцебскай вобласці, за 1 км на паўднёвы захад ад горада Мёры, каля вёскі Клётаў Двор, у басейне ракі Мёрыца.

Ворань
Морфаметрыя
Вышыня над узроўнем мора	142,2 м
Даўжыня	1,29 км
Шырыня	0,47 км
Плошча	0,37 км²
Аб’ём	0,00072 км³
Даўжыня берагавой лініі	2,74 км
Найбольшая глыбіня	3,7 м
Сярэдняя глыбіня	2,0 м
Гідралогія
Салёнасць	0,2 ‰
Празрыстасць	да 1,8 м
Басейн
Плошча вадазбору	22,7 км²
Размяшчэнне
Краіна	Беларусь
Рэгіён	Віцебская вобласць
Ворань
Ворань

Плошча паверхні 0,37 км². Даўжыня 1,29 км, найбольшая шырыня 0,47 км. Найбольшая глыбіня 3,7 м, сярэдняя — 2,0 м. Аб’ём вады ў возеры 0,72 млн м³. Даўжыня берагавой лініі 2,74 км. Плошча вадазбору 22,7 км².

Катлавіна возера тэрмакарставага тыпу. Схілы катлавіны вышынёй да 4 м, парослыя хмызняком. Берагі пераважна нізкія, на поўначы сплавінныя, пад хмызняком. Дно плоскае, выслана сапрапелямі. У паўночнай частцы востраў плошчай 1 га. Расліннасць пашырана да глыбіня 2 м, займае 45% плошчы возера. Возера эўтрофнае, слабапраточнае. Злучана пратокай з возерам Асінаўка, на поўдні ўпадае ручай з возера Кацілава.

У возеры водзяцца акунь, шчупак, лешч, плотка, гусцяра, лінь, краснапёрка і іншыя віды рыб.

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
• Энцыклапедыя прыроды Беларусі. У 5-і т. Т. 1 / Рэдкал.: І. П. Шамякін (гал. рэд.) і інш.. — Мн.: БелСЭ, 1983. — Т. 1. — С. 489. — 575 с. — 10 000 экз.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 18. — 72 с. — 10 000 экз. — ISBN 978-985-508-136-5. (руск.)

Спасылкі

• Агульная характарыстыка азёр Віцебскай вобласці / Даведнік «Водныя аб’екты Рэспублікі Беларусь» Архівавана 17 мая 2017.
• Морфаметрычныя параметры азёр Віцебскай вобласці / Даведнік «Водныя аб’екты Рэспублікі Беларусь» Архівавана 6 сакавіка 2016.